被拒絕的大隻仔😱🤓😫 (Patreon)

話說早兩日我第一次去攀石場玩，其實我知道自己呢方面係有少少興趣同天份，因為我好細個已經好鍾意爬來爬去，成日去公園都自己爬上樹玩😂 之前一直想跟玩開嘅frd子去，但係撞正疫情又呢樣果樣，最後拖到而家先去🤨

雖然只係去咗一次，但係我都已經幾鍾意，因為覺得嗰度啲氣氛幾好、好正面同埋好多人鼓勵你，而且好多靚仔靚女😆🤍

我諗我大概爬咗5/6條 track，都係新手level，其中有一條去到有個位，我覺得自己唔係好得，但係下面竟然有成五六個大隻仔仔喺度cheer on，同我講一定得嘅，我做到嘅！黐線喺呢個氛圍之下我真係夠膽去發力，結果我最後真係爬到上去，跟住全部人一齊拍手鼓掌，氣氛勁正🥰🤣 亦令我體會到，原來好多嘢只係唔夠個膽量去做，其實實際上係做到嘅，omg，勁正能量！🤣

除咗攀石，仲會坐低睇吓其他人攀、傾偈、討論下攀爬嘅策略，好多時都會同唔認識嘅人講到嘢。咁嗰日我同我個朋友就同一個大隻仔都傾咗一陣，大概都係傾吓某啲比較難嘅線點樣去爬，傾吓又去試吓咁啦，咁傾咗一陣我哋都去咗第二度爬第二啲線～

差唔多走嘅時候，我見到嗰個仔仔其實又喺度搵我哋，我都有同佢講話我哋而家走啦！然後臨走嘅時候，佢追住我哋去門口，問我哋係唔係定期會嚟，可唔可以留個contact。

其實我覺得佢個人都可以，就咁傾落都幾正常同埋講嘢有sense，而且外型都OK。但係！我都未反應到出聲，我個friend下意識一嘢幫我哋兩個拒絕咗囉！！！😆😆😆 就咁話「都唔係定㗎」「有緣再見」跟住就好快咁樣走咗！😂 ai，可能就咁就錯過咗一個美好嘅姻緣🤣🤣

不過唔緊要啦，去多啲都會識到多啲人（雖然本身唔係為咗溝仔係為咗做運動🤣），緣份嘅嘢唔需要強求😌✨🏳️‍🌈