咁大個女，第一次……？ (Patreon)

家居 netflix and chill 系列，我超鍾意🥳 呢幾日會陸續更新去不同嘅Tier啊🥳 ！另外，今日有兩件網上thrift嘅性感lingerie送貨了🥹 令到我覺得好感動😭 都即將會更新！

話時話，我今日（其實即係尋日， 5月25號）做咗咁大個女嘅一個創舉…就係，第一次入咗去名店，仲買咗一個手袋！！！😚🥳🥰💗 呢個係我人生擁有嘅第一件奢侈品，買到嘅時候真係好開心，直到而家我都仍然係好開心🥳😭 相信呢個喜悅會持續一段日子🥹😭

係咁嘅，事緣我不嬲都對名牌手袋冇興趣，點解會無啦啦買咗，要從上個月講起。話說我有個朋友嘅朋友，開咗一間網店，係賣二手名牌嘅，咁我為表支持就follow咗。點知，我follow咗之後，就彈咗勁多vintage名牌、同名牌袋相關嘅廣告，搞到我越睇越多😆

咁講真，幾萬蚊一個袋我從來都唔會捨得買，我亦都從來唔識得欣賞呢啲袋。不過唔知點解睇得多，我真係越嚟越睇到貴袋嘅美感，越睇越鍾意。鍾意唔係因為「貴」，而係真係欣賞某啲款式，覺得好classy 好timeless咁。睇得多我就發現，最多人喜愛嘅chanel我反而唔係好識得欣賞，而係鍾意Dior，因為感覺柔軟啲，好優雅。唔係講緊個袋嘅質地，而係個設計嘅風格。

於是有兩三個禮拜嘅時間，我周不時都會上網window shopping睇袋，然後睇中嘅都係兩款，就係lady dior 同埋 dior saddle bag🥰 當我同啲朋友討論相關話題嘅時候，佢哋就建議我親身去睇吓，試下上手嘅感覺，就知係唔係鍾意😁 於是今日我同朋友去完學跳舞，就一齊去咗睇。咁我本身入去都係有目標嘅，係想買一個card holder，我用來做銀包😆 因為我而家咁大個人仲係用緊一個迪士尼$120嘅公仔 card holder，雖然我都好鍾意，但係都想買一個見得人嘅😆😆

除咗買一個卡holder，當然就想試吓將我睇中嘅袋試上手…一試果然真係會有唔同嘅感覺。例如我本身以為saddle bag我係適合mini，但原來medium襯喺我身上先係靚。又例如本身我以為lady dior我係適合small size，最後發現原來mini我用起來先至靚。然後，喺現場欣賞啲袋，又同我上網隔住個mon好唔同😆 雖然我唔係乜嘢有錢人，但係都可以嘗試吓學習下所謂貴價嘅品味係點樣😚

喺我試緊lady dior嘅時候，負責我嘅sales突然之間拎出一個淺粉紅色嘅俾我睇，黐線，係呢隻款我最鍾意嘅色！上網我都睇咗好耐！而且係得今季先至有！！我日日都有睇呢個款😆 亦係我鍾意嘅皮質！！！見到實物我唔知點解即刻興奮到尖叫，覺得真係好靚！！！🥹🥹😭😭😭

其實見到呢隻色嘅時候，我攞上手、試上身，已經真係覺得超級超級喜愛，雖然真係唔平，但我已經即刻淪陷咗，真係覺得好需要買😆 諗來諗去，試來試去，最後都係決定買😆😆😭😭💗🥰💗

我諗名牌袋其中一樣令人買得好開心嘅因素，係你知道佢會保值，只要好好咁樣對待佢，過幾年仍然可以用相當嘅價錢甚至用更高價賣返出去，感覺係有價值又有用又靚嘅物品，而唔係單單只係一個俾你日常裝嘢嘅工具。

買嘅時候有個小插曲，就係我碌卡嘅時候，我張卡竟然錄唔到！黐線，我張卡限額係有100,000，我買單嘅時候係四萬幾，然後我今個月本身只係用咗萬幾蚊，點會唔夠！好在我有朋友陪我，最後佢幫我錄，我過返現金俾佢😆

後來我check過先知，原來因為我從來冇試過洗咁多錢，亦冇買過奢侈品，佢哋以為我俾人信用卡詐騙，所以唔俾交易😆😆

anyways呢幾萬蚊我洗得好開心，真係咁大個人第一次🥹🥳😆💗 而家諗起都覺得有啲感動🥰 至於另外嗰個saddle同埋其他款，暫時都係是但啦😆 買咗一個就好心滿意足了🥹💗😭 同埋真係已經好開心好開心🥳

以下分享我買咗嘅袋😭🥰：

以下分享吓我沒有買的袋😆：