漆皮💖Nancy和肉球出來了～？呢一個月減咗…？ (Patreon)

因為喺IG post左幾張比較顯瘦嘅相（其實已經特登post埋啲摺埋個肚），大部份人都話瘦晒、好fit、Nancy（我個肚腩）唔見咗😅😅 除咗有幾條友特登玩嘢話肥，仲有個人話我肥到可以藏好多老泥入啲摺度😅 笑死，都唔知係咪盲嘅🤣

不過，其實人喺某一刻嘅身形真係受好多嘢影響，例如衣着、姿勢等等，如果係影相更加可以就角度、後期製作等😅 從右邊張相可以見到，其實Nancy仲喺度㗎🤣 假如我要完全flat stomach，我應該要去到45kg左右先至會達到🤣 但我完全唔會特登去追求某一個體重，一切我都會以健康、有活力為前提。雖然按照我而家嘅步伐，如果我keep住咁樣食嘢、保持輕量運動，保守估計今年之內都會自自然然變到45kg🤣 但係瘦又唔代表靚，而且我而家嘅身材、生活習慣已經係好健康，再瘦≠會更加健康，但係我知道我持續咁樣健康飲食，必然係會瘦落去，所以都有少少掙扎😅😅😂😂 我諗到gym開返，我操返多啲肌肉，就會感覺再更加良好，我真係唔鍾意一味瘦，雖然我同「瘦」仲有一段距離，但我已經開始擔心定😂😂

另外，其實我二月到三月期間自然地減咗2kg左右，仲要喺gym關咗、冇做運動嘅前提下😅 外國好多人分享 quanrantine 期間肥10磅，我就相反😅 最主要嘅原因就係因為我冇乜出街、冇聚會，變咗日日自己煮嘢食，冇食高鹽高油高熱量嘅外賣😅 我就自自然然咁樣瘦，但一啲辛苦嘅感覺都冇，因為我煮嘅嘢都係好多元化、好有營養、好好味、份量好足夠😅 以下同大家再分享吓：

所以希望啲人唔好再問我有啲乜嘢減肥訣竅🤣我本身都唔係想減肥，其實現代好多人肥，無非都係壓力、缺少運動、食太多精製食品、外賣、快餐，只要返璞歸真食返啲健康嘅嘢食，適量活動吓就自自然然會瘦，並沒有捷徑～ （同埋你一日到黑諗住要瘦，反而就會用錯方法，諗住要健康係更加有益同長遠。）