居家激透系列🤪 呢排最大嘅投資🧐 3萬蚊買了…？？？ (Patreon)

呢張相大家都見到，我個梳化鋪咗啲布～ 其實我真係好唔鍾意咁樣，因為真係好唔靚🤣 但係冇辦法！我宜家呢個梳化，已經比啲貓抓到爛晒😑 如果唔鋪布喺度，嗰啲爛咗嘅位就會勾住晒啲貓毛（好似魔術貼咁🤣），然後成張凳根本就坐唔到！

最近我終於的起心肝，決定買一套日本製造嘅寵物防抓梳化，我有朋友都係用呢個牌子，用咗幾年都好地地！而且個梳化都叫做有啲設計，唔會話好似而家咁肉酸😂🥴 但係要做到嗰種級數嘅布料，都好貴下，我買咗嗰個2.5人座位嘅梳化，要成3萬蚊😅 我唔知大家點睇啦，可能大家好有錢覺得冇乜嘢，但係我就覺得好貴嘅，不過我真係再頂唔順而家呢個梳化😅 亦都唔想再喺度攞啲布𢫏來𢫏去，令我好心煩！我寧願一次過買個貴嘅，跟住用好耐，同埋設計靚令我望落去開心，都好過日日對住一個篤眼篤鼻嘅嘢，住喺一個令自己有啲唔舒服嘅地方😅

因為佢係日本製造、再喺日本運過嚟，所以都要啲時間，四月尾先至有貨！（不過好笑囉，我宜家呢個沙發本身係啲平嘢，但係佢運貨一拖再拖，我嗰陣時買都等咗好耐先至有😑）希望到時有新梳化，我會開心好多，唔使成日心煩！