裸睡with me💗 最近的健康生活🥳 一日可以有幾磅上落！？ (Patreon)

自從我教練同間健身室有啲合約問題，加上疫情，我都好耐冇去gym啦😭 不過我個人都係keep住越嚟越健康（代謝年齡降低、身形變firm），因為我繼續有注意飲食（高蛋白質～ 份量適中），同埋我有盡量每日行多啲路、增加非運動嘅活動量💗

可能因為我係女性嘅關係，成日睇到一啲減肥豐胸之類嘅廣告，標榜佢哋嗰啲減肥藥/減肥茶，可以兩日減3磅之類，真係笑死我😆 呢半年來我對如何健康咁樣生活、減低體脂率有少少實踐嘅經驗，其實如果完全不注意飲食不運動，而嗰啲產品真係沒有有害西藥，嗰三磅只會係水甚至係肌肉，係完全唔會減到脂肪😂 仲有，我俾大家睇吓，其實我係一日之內已經可以有3.5磅嘅相差😂 我今日就係咁嘅：

朝頭早起身空肚未食飯，咪會輕啲😆 經過全日嘅飲食、活動，咪會重返😂 第二朝早消化左、去個廁所，咪又會輕返😆 除非你前一晚真係超級overeat，個身體完全消化唔到甚至轉化左啲食物做脂肪，或者你前一日做咗好多肌肉訓練又食夠蛋白質，增長咗少少肌肉，咁先至唔會有呢個情況😆

所以我睇到嗰啲廣告真係覺得佢哋好病態，其實體重嘅上落並唔代表什麼，正常人一日都會浮動，而且唔講減肥本身重要與否（好多女仔根本唔肥都話要減），減咗體重並不代表減咗肥，增加體重並不代表增加咗肥（可以係增加肌肉）😅

但係偏偏，呢啲咁嘅quick fix就係食正insecure又想快有所謂效果嘅人士嘅心態，賣極都仲有得賣😅