激凸😛 🐝 數據證明我是健康的海獅😂 (Patreon)

話說自從買咗個體脂磅之後，我都會監察住自己啲脂肪、肌肉、新陳代謝嗰啲有冇進步，反正就係留意多咗自己嘅身體同埋健康咁啦🥳 之前有一班朋友嚟我屋企玩，佢哋大部份人都係好健康嘅，有定期運動身形標準咁樣啦，然後佢哋全部人都有玩我個體脂磅～

其中一個男仔，佢度到體脂只有9.3%，幾乎係接近運動員咁fit（佢本身係日日早起身跑步嘅人），另外有個男仔度到1X%，佢有健身嘅習慣，其實都係好fit嘅。

然後就搞笑啦，9.3%嗰個，內臟脂肪係level 3.5，1X%嗰個，內臟脂肪係7.5，其實佢兩個都係屬於合理水平嘅。10-14就係偏高，15以上就係過高咁樣。大家估吓體脂率大概有30%嘅我，內臟脂肪係幾多？😂

答案係，同個體脂率9.3% 嘅男仔一樣，係3.5😂😂 其實皮下脂肪（即係體脂率度到嘅嘢）並唔係啲乜嘢危險嘢，當然嚴重超出都係會有啲問題，不過內臟脂肪嘅危險性係高好多，會直接導致脂肪肝、高血壓、糖尿病、高血脂症、心血管疾病嗰啲嘢😂😂

講咗咁多，都係想講我應該真係天生屬於肥肥地嗰種，我係真係可以肥得來健康🤣🤣 我體脂率係可以高過人哋多於三倍，但係個內臟脂肪指數都係一樣，甚至更低😂😂