去按摩又被技師抽水了？😅 (Patreon)

自從開始咗做運動之後，我直頭無曬腰酸背痛，所以都少咗好多去按摩，甚至近乎無咗舖癮🐋

以前攞去按摩嘅錢同埋時間，依家攞曬去運動（運動仲貴啲😂 但健康無價🥳）不過我有時做完weight training，都會有啲正常嘅肌肉痛，所以一個月都可能會去一次按摩咁😛 最近呢兩次去（兩間不同按摩店），技師居然分別都有主動問我係咪有做運動，仲話我好結實😆 以前去，啲技師淨係會話我好浮腫、好塞😂

尋日我舉重又創咗新嘅重量，今日啲肌肉就好痠痛啦🤣 於是今日探完監、臨打拳之前仲有啲時間，就抽咗45分鐘去按摩，唔係推油唔使除衫，所以佢話得男技師我都冇乜所謂😚

然後因為我最主要訓練hip位，所以整個後大腿、屁股嘅肌肉都好疲勞，我就叫技師按多啲個啲位👻 然後又疑似被抽水了😅😂 正常按摩係用力按落肌肉、推啲肌肉，個技師八成時間都係嘅，但間唔中有一兩下只係好似揸波咁樣揸下啲肉，等啲肉好似布甸咁郁，然後啲手指尾又撩到好接近私人部位、仲同撳咗我個股罅幾下😅因為我曾經都成日按摩，試過好多技師（我諗應該接近有100個），都好分到邊啲手法係按摩，邊啲唔係😅😅

例如呢個男技師話我好結實嘅時候，就會輕輕力用成隻手掌抓住我個pat pat，好快咁樣揸幾下，完全只係揸，好似係想測試下我屁股嘅彈性，並唔係按摩😅

不過唔緊要啦，都幾搞笑😅

Anyways睇到自己個身體有正面改變真係好開心架～ 然後舉重嗰啲又越舉越重，好有成功感😝🥳🤙🏻 鼓勵大家都多啲郁動，唔係一定要為咗外在美，而係令整個身體更強壯😎🥊

仲有，我而家愛上埋sports bra，雖然着落個胸會扁咗啲，無著鋼圈bra咁挺拔（？😂），但真係超級透氣同埋舒服🥳🥰 又方便💜