「中出即飛」之我見 (Patreon)

話說最近睇到一啲討論，大概就係講，有啲男人會好自豪自己「中出即飛」咗啲女仔，好自豪自己一同人地發生咗關係，就即刻斷絕來往，好似覺得自己賺咗咁🤔😅

其實就咁睇，我就覺得有少少慘（個男😅）。

1.如果嗰次嘅經歷係好嘅、刺激嘅、難忘嘅，唔通你會唔想再嚟多一次？比着我可以同一個精壯又靚仔高大、技巧又好嘅人做愛做的事，身心都得到滿足，我一定唔會放佢走添啦！肯定要約多佢幾次、chur到佢盡！😆😆😆

如果根據呢個推論，一個男人「中出即飛」人，仲要大大聲講出嚟，即係等於佢大大聲咁同人講佢根本做得唔享受😅 一係就食咗劣食，一係就佢本人技巧差，總之就大家都唔享受，或者佢唔享受😂 代表佢一係無能，一係唔好彩，既然係咁，又有乜嘢好炫耀😂？

2.呢一種人對於性嘅觀念，就係同一個女仔做咗，「擁有」咗佢，就已經係性嘅最大意義。其他明明更加正嘅嘢例如親密感、身體嘅快感、各種新奇刺激嘅嘗試，好似通通都唔重要咁😅

如果真係咁諗的話，就顯示佢應該都唔係太識得/重視有quality嘅性，其實都有啲可悲，但係就自覺威威...所以就有啲好笑😅🤭

3.其實中出即飛呢樣野（唔係literally，講緊係一發生關係之後就斷絕來往，唔一定係要有「中出」嘅成份😀），本身係ghosting嘅一種...唔啱嘅地方在於ghosting，唔係在於中出。

我其實好贊成要同伴侶長遠發展，都要試吓車先。如果性方面真係唔夾，而雙方或者其中一方又好重視呢樣嘢，咁都真係勉強無幸福🤔 所以如果真係試過一次，覺得唔啱，咪好地地咁樣同對方講，好地地咁樣終止/轉變關係囉。又唔需要突然就斷絕聯絡，ghost咗人嘅。講到底都係人品嘅問題😅

呢兩日我都有喺IG Story講吓相關嘅話題，跟住就已經有女仔PM我，話結咗婚之後先發現老公接近無性慾。1年半以來，性行為嘅次數喺五次以內，佢忍得好辛苦唔出軌。然後我目測佢應該都只係20幾歲，都唔知點捱...如果一早試啱車先，（可能到時個case就係佢「中出即飛」男朋友），係咪可以避免呢一啲悲劇呢？

所以我嘅結論係，睇到啲男性喺度炫耀自己「中出即飛」人，我只係覺得好幼稚。要不佢哋就完全唔enjoy到sex，要不佢哋就係小事化大😆唔知大家又點睇？