多人巴士上展示避孕藥效果：居然升cup了？😛😌 (Patreon)

如果大家有留意開，應該知道之前我因為壓力問題，荷爾蒙出咗事，幾個月都唔嚟M。睇咗婦科醫生之後，醫生建議我食避孕藥調經，於是我就開始試了～

我之前從來冇食過任何避孕藥，20幾歲人先第一次，感覺好新鮮🤣 我由細到大經期無準過，今日係第14日食，睇住清空咗一半嘅一排藥丸，好似可以預知、倒數自己黎M咁，感覺有啲奇妙😂

副作用方面，頭2-3日，超級頭暈 + 攰，仲攰過打武肺針後🥲 我係暈到，感覺自己左眼望咗向左上角，右眼望咗去右下角，落樓梯嘅時候天旋地轉咁，個頭又好痛🙂 最嚴重係第二日，我真係返屋企就攤左全日😖

但除咗呢樣，過咗三日之後，就已經無再有我感受到嘅副作用。姐係呢排我都有少少間唔中輕微頭痛、肌肉痛，但未必係關啲藥事，因為我每一日行程太緊密，又活喺高壓狀態之下，又唔係好夠瞓，每日淨係瞓四五個鐘，所以有少許呢啲反應都係合理。

皮膚變差、情緒大起大跌、水腫等等好多人話經歷過嘅副作用，我暫時呢兩個禮拜完全冇感受到，不過呢兩日開始，有少少谷M嘅感覺，胸部有啲脹住脹住，然後視覺效果仲好似大波咗少少，算唔算係個好嘅副作用？🤭

嚟緊我再密切留意自己嘅情況，如果真係keep住咁嘅狀態都幾理想😍😘