約炮，比唔上友誼波嘅興奮 (Patreon)

今日想同大家分享下一個朋友許彤嘅文章，我覺得寫得幾好，唔知大家又點睇？歡迎留言。至於呢個系列嘅相嚟緊呢幾日會upload，敬請期待💗

作為一個直女 我覺得約炮嘅快感其實overrated

人大咗，愈嚟愈清楚自己喜好，口味會收窄

所以啱style又技術好嘅人，身形樣貌聲線加埋係你杯茶，重要計埋形狀compatible，其實可遇不可求。加上女人高潮無男人咁易，好多時約完一大輪，都只不過係幫人出火。

其實回想約過嘅炮，十居其九都係可約可唔約。所謂「可約可唔約」嘅意思大概係，嗰兩三個鐘嘅快感，我柄埋喺屋企睇套笑片重多pleasure

嗰兩三個鐘得到嘅認同感，如果我好好搵人幫我影輯相，掉上IG fish幾百個like + 幾十個DM，其實都有認同感

至於親密感，咁約炮係可以解決skin hungry嘅，社交場合嘅擁抱，唔會比得上床上嘅大面積擁抱，呢樣嘢無得拗；但如果係嗰種心靈上嘅hungry，其實完全唔會解決到，寧願搵個溫柔的朋友傾半個鐘計，重踏實。

至於高潮...........我自己喺屋企搞自己好過你放過我啦

有時覺得約十次，加埋來回成千個text，就係為咗抽中嗰一次半次嘅「可遇不可求」，係好正，但個time cost又未免太大，所以試過就夠，都無可能一直咁扭蛋mode抽落去

約新炮，比唔上約固定SP，係因為佢唔熟悉你身體，除非本身技術勁好，否則都係佢有佢搞你/ 你有你搞佢，各自獻技。技術唔單係「sex skills」，而係一啲好generic嘅技巧，例如佢有無intense focus，會留心觀察你每一個小signal，知道敏感帶喺邊，頭五分鐘細心觀察完，再喺未來個半鐘記住佢，反覆使用，而唔係自己一箱情願咁鳩做。in this sense我懷疑啲長期一嚿飯心不在yin嘅人aka ppl like me，其實都係lousy fucker。

但第一次就覺得可有可無，亦唔會有第二次，唔會變SP。我成日覺得，一個人成日One night stand，個問題唔係佢為人隨便，而係佢運滯or啪得曳，先遇唔到可以發展成two night stand three night stand嘅人

約炮，又比唔上友誼波嘅興奮。性其中一個快感係「禁忌」。會出嚟玩嘅人，最基本嘅vanilla sex係尋常事，其實無乜禁忌可言。如果唔係你哋有啲咩play夾到/ 把口太識撩，其實好多時都只係肉體快感（如果有的話）。

相反，喺real life 認識嘅人，朋友好同事好教友好，一定係未上過床嘅，比上過床嘅多。同埋幾乎所有你識嘅人，你都係因為「打算同佢上床」以外嘅原因而識到佢。你地本身已經有咗既定嘅相處方式（吹水？飯腳？開會會見到嘅人？），突然一對只會隔住個partition遞文件畀你嘅手，突然變成一對放喺你乳房上嘅手，呢個就係突破禁忌。嗰晚無論佢fuck成點，淨係回想起越過社交距離，變成零距離嗰秒，已經夠興奮；有無進而由「零距離」變成「負距離」已經係後話了。

撇除事後手尾長，純講埋身肉膊嗰兩粒鐘，我成日覺得友誼波係最好嘅波。至少一個你唔suppose會掂到嘅人，變成咗喺嗰兩個鐘內任掂唔嬲嘅人（頭盔：可能有啲部位人地唔鍾意你亂掂的），excitement n pleasure is somehow guaranteed。無論佢技術係點，都至少確保到有一部份嘅興奮。

講遠少少，我大抵支持性解放，覺得性解放可以改善人類生活。但如果推到盡頭，人無曬禁忌/ 無曬羞恥心，其實亦會消失咗好多性嘅快感，所以性解放唔可以進行到底。例如有日大家對裸體完全無禁忌，其實你見到裸體，都唔會興奮了。