想免費露出也不行！ (Patreon)

其實呢個post比IG take down，我都有少少唔開心。第一已經連續第二個post咁樣，第二我都好俾心機出嘅🥲🥲

等我將啲圖文放返喺度先, 呢個系列其他圖陸續upload上去其他Tier，講真我覺得影得幾好好滿意，我根本就唔介意放出去公海比其他人一齊睇，不過係ig唔容許我咁做🥲

篇文其實同之前$8tier嘅有少少似，不過refine左，又加咗少少野

-

如果感到生活big人，玩一玩露出就會心曠神怡😎😂

經常有一啲評論，話網上「賣相」嘅女仔（而家竟然成行成市，我真係老懷安慰😂），居然為咗課金/上位/likes/虛榮etc 而「出賣」自己，做到幾盡幾盡😂😅 其實我睇到都覺得佢地見識比較少😂

唔講其他人，淨係講我，我自己就算有冇錢，有冇得上位，都係鍾意影呢啲相。因為我享受個過程，亦都享受走去撩到其他人心癢癢的。透過影相，我可以觀察自己嘅身體、學習欣賞；而好多時影相嘅過程（我鍾意玩露出類😂）都好刺激，對我來講，其實過程，比起出到嚟嘅作品係更加有價值☺️

另外，其實男男女女，都會用不同嘅方式去測試自己嘅吸引力。如果我影/寫出嚟嘅作品，可以撩到各位壞壞男女心癢癢，我都會覺得好開心，根本就唔係錢帶來到嘅滿足，而鍾意睇嘅人又睇得開心，簡直係win win。

所以坊間嗰啲敘述角度，硬係要講到只係為咗別人/蠅頭小利/物質去不情願地影相，「為了xxx 居然連yyy也肯做」😅 首先將大家做事嘅動機過分簡化、斷章取義。第二將一件大家本身喜愛、自願做嘅事講到幾咁不堪、強迫，二元對立，係唔係膚淺咗啲呢😂只係因為有人/社會不喜歡露體，就代表全部人也必須不喜歡露體？😅 必定係喊住出賣自己？

況且，就算有啲人真係只係為錢（其實又一定搵到錢嘅咩？你估唔使本錢/經營？），先去從事性工作，又有乜嘢問題？有幾多人喺返工嘅時候，講得出自己有幾大熱誠、幾大意義、幾大貢獻？

當你講到明為咗錢做性工作，就會話你居然為錢。

當你話唔係為咗錢，就話你虛偽、巧立名目😂

因為對性嘅污名、對性工作嘅抹黑，總之點都係錯😂😂

況且，影相同賣淫嘅性質大相逕庭，根本不能相提並論，會用相機，就代表會打飛機？根本就不是同一回事，只係啲人為咗攻擊，就利用社會對性工作既有嘅污名，來欺凌行使自由嘅人。

之前又有記者話想搵我訪問，關於賣相嘅問題，又話我「先講得出性別議題」嘅角度。咁我就推咗嘅。我已經受訪左咁多年，根本上乜都講晒，講到口臭。唔好話觀眾睇到悶，我自己重重複複都覺得煩。

仲有就係，點解影吓相，就一定要帶出一個性別議題？點解唔可以為影而影？點解唔可以為任何事而影？

我嘅角度，性解放、身體自主，講緊嘅就係無論你係因乜嘢原因，都可以做自己喜歡（又不傷害其他人）嘅事。

訪問不同嘅女仔（其實點解唔訪問埋男仔😂 香港都有男仔賣相架），了解佢哋每個人不同嘅心態，本身就係性別議題嘅資料蒐集。根本唔需要有一個人，特別去重申性別議題嘅觀點。

無論出於任何原因，都沒有誰比誰高尚。我雖然會講性別議題，但同時都係為咗快感、滿足感，就算呢個世上有一個人真係咁平面，只係為錢而做事，我都會尊重，亦都可以係研究嘅對象，根本就唔需要由我一個人，強行用「性別角度」去詮釋賣相/性工作呢件事。