突然在巴士脫掉內衣: 性解放的真締 (Patreon)

經常有一啲評論，鍾意話「賣相」嘅女仔（而家竟然成行成市，我真係老懷安慰😂），居然為咗課金/上位/likes/虛榮etc 而可以做到幾盡幾盡😂😅 其實我睇到都覺得好奇怪😂

唔講其他人，淨係講我，我自己就算有冇錢，有冇得上位，都係鍾意影呢啲相。因為我享受個過程，亦都享受走去撩到其他人癢癢的。透過影相，我可以觀察自己嘅身體、學習欣賞；而好多時影相嘅過程（我鍾意玩露出類😂）都好刺激，對我來講，其實過程比起出到嚟嘅作品係更加有價值☺️

另外，好多男男女女，其實都會用不同嘅方式去測試自己嘅吸引力。如果我影/寫出嚟嘅作品，可以撩到大家濕濕的/硬硬的，我都會覺得好開心😛 鍾意睇嘅人又睇得開心，簡直係win win。

所以坊間嗰啲敘述角度，硬係要講到只係為咗別人/蠅頭小利/物質去不情願地影相，「為了xxx 居然連yyy也肯做」😅 首先將我哋做事嘅動機過分簡化，第二將一件我本身喜愛、自願做嘅事講到幾咁不堪、強迫，係唔係膚淺咗啲呢😂 只係因為有人/社會不喜歡露體，就代表全部人也必須不喜歡露體？ 😅

況且，就算有啲人真係只係為錢（其實一定搵到錢嘅咩？你估唔使本錢/經營？），先去從事性工作，又有乜嘢問題？有幾多人喺返工嘅時候，講得出自己有幾大熱誠、幾大意義、幾大貢獻？

當你講到明為咗錢做性工作，就會話你居然為錢。

當你話唔係為咗錢，就話你虛偽、巧立名目😂

因為對性嘅污名、對性工作嘅抹黑，總之點都係錯😂😂

之前有一位KOL，話有記者想搵佢搵人訪問，就係關於賣相嘅問題，跟住佢話希望記者訪問我，因為我「先講得出性別議題」。咁我就推咗嘅。我已經受訪左咁多年，根本上乜都講晒，唔好話觀眾睇到悶，我自己重重複複都覺得煩。

仲有就係，點解一定要帶出一個性別議題？我嘅角度，性解放、自主，講緊嘅就係無論你係因乜嘢原因，都可以做自己喜歡（又不傷害其他人）嘅事。走去訪問不同嘅女仔，了解佢哋每個人解放嘅原因，就係性別議題嘅資料蒐集，根本唔需要有一個人特別去重申性別議題嘅觀點。我離得佢係為咗錢，定係為咗名，定係為咗男朋友，定係為咗阿媽，定係為咗寵物，佢哋嘅選擇我都會尊重，亦都可以係研究嘅對象，根本就唔需要由我一個人，強行用「性別角度」去詮釋賣相/性工作呢件事。

多謝你睇到嚟呢度，今日突然興起影咗好多相，呢兩日盡量update💜 愛你們啊💜