肉手臂+上頸的事業線💗 「肥仔波」之我見😜 (Patreon)

招呼完家人，終於可以休息了😅 我地屋企出名個個都又聾又大聲，今日全日為咗同佢地溝通，不斷大叫，搞到依家喉嚨痛仲唔係好講到嘢...😅😅😅

話說成日都有hater無故走上門，例如無啦啦share我啲post 跟住話「佢唔係大波只係肥」「肥仔波唔算波」「肥婆大波只係基本」，好似驚死人地無眼，唔知我「肥」咁😅

睇到呢啲愛的酸言，我會覺得好fun😅 因為佢地一廂情願地以為

1. 個個都鍾意瘦底+ 大波 （錯）

2. 鍾意我嘅人唔知我「肥」，個個都淨係望到對波，望唔到全個身材/其他野（錯）

3. 我瘦就唔會大波（錯）

4. 肥就一定會大波（錯）

所以佢哋見到人like我，就自己喺度發悶氣，嬲到癲😅😂

1. 個個都鍾意瘦底+ 大波？鹹魚白菜各有所愛。如果係瘦底嘅body 我個人喜好係唔好大波，個比例先平衡😅 如果全身好骨感，唯獨波好大，成件事不太合理，我會覺得唔順眼。（不過我唔會走去攻擊人/公開講我嘅preference，因為我有禮貌同埋唔妒忌人😂）

2. 鍾意我嘅人唔知我「肥」？其實喜歡我身材嘅朋友，好多根本就係喜歡個肉感，包括腩位、粗髀，整個肉感線條。啲人特登highlight 我肥，驚死喜歡我嘅朋友唔知咁，但就無諗過人地就係鍾意😅

3. 我瘦就唔會大波？

呢張係2015年year 2嘅照片，當年未有50kg，點都稱不上肥。但大家可以見到，就算我唔肥，喺健康嘅情況下，都唔會有嗰種纖瘦骨感😅 因為我天生嘅骨架就唔係咁😅 如果淨係講胸，其實我當年都已經着緊D cup😅

4.肥就一定大波？😅 呢個更加答都嫌弱智😅 如果係真嘅點會有42A胸圍😅 大唔大波最主要係睇基因，唔係睇肥瘦，唔係話食肥咗就會升cup，減咗肥就一定會降cup。因為肥瘦增長，冇得話由你去控制啲脂肪走去邊，控制脂肪走去邊嘅係基因😅

之前仲唔小心睇到有人話，啲人睇我係因為「獵奇」（佢地講緊我外貌身材），真係笑L咗😅 我唔否認我嘅行徑喺香港唔係好常見，唔否認有朋友可能係出於好奇心所以睇我...但講到一個走在街上，根本就普普通通，最肥都係5X kg，樣貌唔係奇醜，講大波都唔係超大....咁普通嘅人係「獵奇」對象😅😅 係嘅，因為香港人嘅批鬥同埋殘酷，大部份普普通通嘅人都未必夠膽好似我咁露，所以我呢種身材嘅人（雖然其實根本唔少）會性感更加係少啲，但講到係獵奇，又有無井底咗啲😅 人地外國啲獵奇porn 係連體人、藍色皮膚、600磅...😅

所以宜家，我睇到呢啲愛的酸言，都係當笑話。講緊係literally 會咀嚼佢哋嘅思想、語氣、言論，然後享受佢地嗰種怨毒、無知同執著，覺得好好睇😂😂 唉，唔知係我變壞了，定係變醒目了😅 我淨係知道長年累月承受呢啲嘢+有你地嘅愛護支持令我心態強壯了不少😛💗