梯間露出💗 下海賣裸照的條件😛 商業機密🙊 (Patreon)

作為香港區patreon 淫照之母(?)，原來話咁快已經踏入咗用patreon 出post 嘅第四個年頭💗 最感謝嘅當然就係支持我嘅咁多位，特別係長期支持，由一開始就喺度嘅某幾位寶寶💗 多謝你地💗

眼見宜家收費平台開始普及，我發現唔少人似乎當咗收費平台係ATM🙃 間唔中scroll 到網民傾計，見到佢地話無錢呀剩，就會話「開返個patreon 囉」「賣鹹相囉」😅 次次睇到我都覺得➡️ 😅😅😅

如果真係咁容易咁好搵，點解唔所有人都做🙃？以下我列出一啲，我認為「下海」需要具備嘅條件

1. 你必須係享受影相、發表言論

就算未有patreon之前，我都係經常發表gender 方面嘅意見，亦週不時影所謂性感相post。我自己係有啲exhibitionist 嘅傾向，鍾意玩露出、俾人睇，甚至會想俾人非禮（只係FF/癖好，見到我請勿真係做，除非我好明顯引誘你😂）。我開patreon嘅初衷、現衷，從來都不是為了錢，亦無諗過會有大家咁鼎力嘅支持。我係真心鍾意影相、講sex嘅嘢，大家應該feel到我嘅passion，無論有錢無錢我都會做。如果本身根本無呢個癖好、唔鍾意影相甚至諸多顧忌，只係一心諗住為錢嘅，我諗都唔會做得好（除非真係身材表天賦異品吧？）亦同虐待自己無分別..何必呢。

2. 唔可以當係兒戲嘅事

真係想做嘅，就努力認真去做，唔好當「賣相」係搞笑嘢、玩玩下，不論你當唔當係職業，起碼都尊重呢件事先。

3. 有強大心臟。

網絡嘅嘢無delete嘅。你行嘅每一步，一個唔好彩，真係會跟你一世。擺得自己喺公眾面前，無論你做乜都好，可以係完全唔具爭議嘅嘢 例如唱歌，你都係要接受公眾冷酷無情嘅評論，甚至批鬥。做具爭議嘅嘢，就更加要有強大心臟，管理好情緒都唔係易事😛

以上都係我嘅一啲想法。sex work is work。賣相我唔覺得係sex work（而我都唔係淨係賣相），但點都係一個work，唔係一個笑話，如果無熱情、唔認真、唔處理好壓力，真係唔好認為係人都可以求其當課金平台係atm啊😅

（反而外貌身材嗰啲，我唔覺得係最重要）