居家🥰念珠菌居然好了! (Patreon)
Published:
2021-01-13 16:24:18
Imported:
2023-11
Content
話說我都同大家喺度講過好多次,自從舊年六月,參加Miss Pun生日的船p,之後我就感染咗念珠菌,一路試咗好多方法、治療,都無完全斷尾。
直到上星期,我都係keep住差不多每日都搽一隻抗真菌藥膏吊命,唔搽就會唔自在、有輕微刺痛感(嗰隻膏幾好用,文末附圖,可到藥房購買~)
然後!我宜家似乎不藥而癒了!
個秘訣,就係搬咗新屋!我本身住嗰度,超級細,開放式,我貓又多,基本上每朝每晚、都係俾貓砂盤圍繞住。啲貓去完💩💩,又會直接跳上我張床,有時仲帶埋啲貓砂上床💩💩 有隻貓甚至週不時喺床尿尿😫
搬咗屋呢幾晚,我有睡房了,堅決唔俾啲貓入黎。另外,我所有底褲都買過新嘅,消毒曬先著 (以前啲貓會捐入衣櫃,訓喺我啲衣物/內衣褲上面,導致好多時我啲衫褲全沾上貓毛),亦嚴禁貓接觸。
有自己房隔絕啲貓,又衛生咁多,我都訓得好好多,有充分休息。如是者過咗只係4日,我下面好似已經好番曬!! 根本一直以來,都係因為同貓過分擠迫、休息不夠,導致衛生差、身體差😅
宜家大家隔絕返,衛生曬🥰 原來咁「簡單」,只係幾日,已經可以好返!
以下推薦我用嘅藥膏,本來醫生之前開俾我的,我自己之後再去藥房配: