我的身體 天生淫褻? (Patreon)
Published:
2020-12-08 11:08:42
Imported:
2023-10
Content
因為好喜歡呢張照片,所以好想同好多人去分享,但由於我知道ig一定會刪除我張圖,所以我遮到咁先post,結果仍然係被下架😅😅
我哋而家睇吓IG嘅所謂社群守則:
究竟我呢張相(遮到咁)犯咗邊一樣?性交?生殖器?完全裸露的臀部?露點?
我明白部份人士會覺得呢張相,就算遮到咁樣,都係好性感,我自己都好鍾意呢張相。但係「性感」根本就冇劃一嘅標準,大把人覺得腳板底好性感,ig完全係允許腳癖群體大展拳腳😅 正正因為「性感」係冇統一標準,所以IG 先要有咁明確嘅社群準則,只要唔違反呢啲準則,都應該要被允許存在。
我呢張相遮到咁,根本就冇露任何野,亦都冇展示性行為。我只係企咗喺鏡頭前面。只係好平常咁樣存在,I’m just EXISTING。你覺得我性感係一回事,但係我冇違規就係冇違規。點解男人露晒點、激凸、擺晒誘惑嘅眼神都可以存在係呢個空間,但我只係擺個身出嚟,乜都遮曬都唔可以存在?
我諗呢個標準亦都係反映咗而家社會大部份人士嘅諗法:女性嘅身體本身就係淫褻同埋不潔,就算冇違規,我都夾硬要話你違規🙃