裸上身踏單車之 瘦身不瘦胸的方法！ (Patreon)

瘦身方面，我就真係唔係專家，雖然以前試過由120磅頭減到稍微低過110，但以前都係亂咁黎，做運動+亂節食，係成個人薄咗咁囉～

之前我喺patreon 都提過，我最近真的想修身了，因為近年體重不斷上升，身形都開始超出我滿意嘅範圍～ 所以我想搞搞佢。但我想健康、開心地瘦，所以plan咗陣先開始，宜家叫做kickstart 咗一星期左右。

呢一星期入面，頭三日都係亂黎，大概都係食少啲、每日運動少少、飲多啲水。第四日開始，我down咗個app可以記錄我每日食幾多卡路里、微量元素，仲有目標（每日1200 kcal，多左嘅要透過運動減返）。

數據雖然唔係完全精準，但起碼我對我嘅飲食認識多左。原來我平時食餸多過食飯，係會更肥😂 原來好多飲品係好邪惡😂 雖然我平日嘅卡路里攝取係正常範圍（1600-1800 kcal/日）內，但由於偶爾會放縱（一星期一兩餐），而且又冇乜運動，所以長年累月加加埋埋都係會肥咗。

暫時我呢三日都達到1200 kcal目標，但由於我飲食均衡，其實完全冇難度。我本身唔大食，只要識得食啲低卡路里嘅嘢，就完全冇乜肚餓感覺。

我尋晚度一度，原來我全身數字，包括體重、腰圍、手臂、大髀，只係一星期都有所扣減，唯獨是胸無細到！！

我思疑係因為我無亂節食，而係有攝取足夠脂肪、蛋白質、各種元素，加上家族基因問題、所以暫時都未瘦到個胸😂 其實我唔介意胸細啲，成件事都係睇比例，但如果可以淨係唔瘦胸，咁又幾好喎😂

等我當係做實驗，睇下有無得咁樣「養肥」個胸，之後會唔會有可能瘦剩對波😂 （應該唔得掛）

附上六日嘅對比數據，單位係寸同kg😂