我是如何利用抗爭搵錢的/跟藍屍一起看歐聯抽籤😅 (Patreon)

如果藍屍們用騷擾我的時間自我增值，可能不至於連母語也說得口齒不清😅😅😅

點video去看看吧😂

話說某幾個藍屍經常夜晚打133黎，大概都係講一啲單字，例如「死黃絲」「臭雞」「監躉」等等😅 我都係當笑話睇，有時我咁啱同朋友一齊，佢地又會應下佢，玩下佢咁😅

其實我由細到大，都係嗰啲顧住自己嘢，唔係太八卦其他人做乜嘅人，更加覺得要去討論「人」，太瑣碎無謂浪費時間，倒不如討論「事」或「理念」，除非佢地真係主動黎搞著我，我先可能有限度回應😅

但總有一啲人，覺得自己somehow 參與緊社會事務，但其實只係玩緊講是非/批鬥遊戲，各個政治立場都有啲😅

例如有部分網民鬧我利用抗爭搵錢，搵到盤滿缽滿仲買樓，然後講到成件事幾咁有「公共性」，但其實只係講是非，亦非事實😂 我層樓成交日期係2018年，如何搭時光機返去買呢😅 同埋自從抗爭之後，我搵嘅錢係少咗、付出喺抗爭嘅時間、金錢係用多咗，整體來講我個人嘅得益係少咗好多。好簡單，以前我拍下旅行片、每個ig post都宣傳下patreon、做下sex toy生意(而家因為唔想同啲中國代理商有接觸，都決定慢慢唔做了，以前一日都有幾百至千零蚊）/youtube / patreon ，其實每個月都有增長。

但抗爭開始，尤其初期，我成個ig 變成文宣page，如果冇記錯有兩三個月幾乎係一個自己嘅post 都無，youtube 都用咗黎backup 抗爭嘅片，而且同時花左不少時間精神金錢喺街頭，根本上就冇乜閑情逸致同埋力量，去寫我一向寫開/post開嘅嘢，所以抗爭開始後，其實我KOL嘅收入係大減接近一半😅當然我習慣報喜不報憂，亦唔係想人哋因為我收入減咗就課金之類，而係想人哋真係想睇我嘅嘢、欣賞我嘅產品先至俾錢我賺。所以我係無怨無悔嘅，而且我係爭取緊我相信嘅嘢，付出少少有乜嘢所謂。

然而，每當我喺100個文宣post 中，post 一個有自己嘅post，所謂嘅同路人都可以抽秤我，鬧我利用抗爭上位，而唔會諗我係利用自己本來嘅知名度黎支援抗爭😅 親，我早在大家熱烈討論「逃犯條例」呢樣嘢之前，喺2019年嘅5月，已經拍youtube 叫緊大家關注逃犯條例😅 2014年928之前已經喺金鐘😅 所以我依家都有啲心灰意冷，要照顧好自己精神狀態先🙏🏻

一向呢邊嘅陣營係無著數、無錢搵、只有被打壓被拘捕嘅份，各商會、從商嘅資源被建制壟斷，所以後來（大概11/12月？）先會有「黃色經濟圈」，去令我地呢邊嘅商家可以苟延殘喘。而唔係「只要話自己係黃就可以賺到笑😅」，就算6月9日前，都冇人會預計到將會有百萬人上街😅

所以次次睇到啲人話我咩「扮黃攞著數」，我都係得啖笑。我幫黃色經濟圈宣傳就有份，但從來沒有、亦無意從中得到一分好處😉 唔講啲唔方便講嘅內容，淨係講時間線：為咗個所謂黃色經濟圈，又要動用到時光機走去2014年佔領、2016年魚蛋、同梁天琦助選，又真係做得盡咗啲😅👌🏻

不過算啦唉，點都有人鬧同誤會，做好自己就得，其他嘅嘢都唔理得咁多😜

anyways 本來都係想笑下藍屍做嘢無無謂謂，點知變咗盡訴心中情😜 我都係講下，同大家呻兩句🥰呻完又係一條好漢(?)💗