胸部下墜！？ (Patreon)

有研究指出，隨住年紀增長，女性嘅胸部每年會下墜0.5cm🤨 作為一個經常觀察住自己胸部嘅人，我都發覺呢幾年，我嘅胸部型態，都由以前嘅圓碌碌，慢慢趨向竹筍咁嘅形狀😜當然，平時戴住bra 出街，唔會覺，只有赤裸裸面對自己、端詳自己個身體嘅時候先會發現。

我自己就睇得好開，雖然我都唔想面對身體嘅老化，但都要慢慢接受，繼續愛自己。慶幸嘅係我皮膚暫時仲係算ok，而且就算形態變咗少少，都仲係我覺得幾好睇嘅範圍😛

之前（都5/6年前😂）有人問過我，覺得自己可以「賣肉」賣到幾時😅 其實我覺得年齡/體型 從來唔係一個太大問題，我一向都話，我show自己個body出黎，除咗係因為自己有嘢講，亦係因為呢個係我嘅興趣/癖好，有人鍾意睇就一定（唔係因為我好正，而係呢個世界好大，任何人都總會有人鍾意睇，我研究得太多呢啲了😛），但人多或人少鍾意睇我，真係無乜所謂，最重要係我鍾意post，同埋有部分人鍾意睇，咁我就會開心💗😁

所以technically，如果我呢個興趣持續嘅話，我係唔介意露肉露到死😛露到80歲😛