繩綁衣🖤肉感滿瀉😛 胖網紅與民主 (Patreon)

（全圖在其他tier）疫情關係，郁動仲少過以前，我覺得自己近排又肥咗😆 遲吓真係可能要着手減減😆 其實我都幾鍾意摸自己啲肉肉，覺得好軟熟好滑🐷

不過講真，如果出到街，話瘦我當然完全唔瘦，但話肥又未係叫肥😅 明明香港人呢一年不斷話爭取民主自由，但就連我哋覺得比較封閉落後嘅東南亞國家，都有不同身材嘅網紅、明星，唔知點解香港仍然係連圓渾少少嘅網紅都無（數得出嘅計埋我，可能真係5個以內）。

當然民主自由同埋肥瘦冇絕對關係，但我覺得越係自由開放嘅國家，就越會接受到唔同人有不同嘅身形外貌。而香港好明顯係呢方面仲係好落後，審美標準仍然好單一。

好似下面呢張圖咁，其實我完全唔覺得有乜嘢欺詐成份，亦都唔覺得右邊叫做肚腩😑 只係個人摺埋就一定會有啲皮😑 同埋不同姿勢會有不同嘅身形咁解，點解都要講到係「肥扮瘦」，明明只係「瘦身材嘅人挺直條腰vs瘦身材嘅人摺埋個身」😑

有時我會想像，如果香港獨立左，之後嘅世界會係點？係咪即係連登咁樣嘅批鬥風氣會成為主流？ 到時嘅社會會唔會係更加唔友善？擺脫左一個極權，會唔會只係陷入另一個嘅牢籠？就算係亞洲走得最前嘅國家 —— 台灣，有時睇佢哋一啲社會事件（譬如奶奶逼死新抱、網絡欺凌女生），就會諗，其實真係天涯無樂土😖 不過樂觀啲睇嘅話，生活總係唔能夠完美，而呢啲唔完美可能就係我哋努力嘅動力💚