繩綁衣💋 心事台 (Patreon)

最近呢個星期潛咗水，可能係因為心情好低落、無力感好重。睇住每日嘅新聞、發生喺自己身邊/身邊嘅人嘅事，點開心得起黎呢。

幾日前去赤柱探朋友，佢罪名係用雞尾酒掉警車，理大一役被捕一直還押，11月會判刑，座底起碼坐幾年。講起12個手足偷渡單嘢，即使佢自己身陷囹圄，都忍唔住紅曬眼眶😖 12人裡面有佢認識嘅人，即使次次探佢嘅時候，佢都笑笑口，講話喺入面幾習慣、同邊啲人熟絡曬，但其實呢個時勢，有邊個真係開心得落？每一日，都好似係借返黎嘅，每一秒嘅快樂，都好似係呃緊自己、強迫自己去忘記現實，先會快樂得起。

身邊嘅人個個都身負好多野，我自己都唔知幾時會俾人周到，根本冇辦法感受真正嘅快樂。之前我話過，新屋入伙嘅時候，我會喺度同大家分享。但其實我前幾日已經收樓了，間屋比我想像中好，但我一啲開心嘅感覺都無，可能根本已經陷入抑鬱吧😅 然後每天要獨自面對網上嘅荒謬、攻擊，譬如我俾垃圾國安跟，仲要俾藍屍洗版鬧我搵演員😅 或者什麼 #女權去咗邊 嘅弱智爭議，唉，有時真係見到都覺得好煩好難受，解釋都廢事😅老實說，我依家呢個心理狀態，喺咁嘅環境下，應該已經算係不錯了。

聽日驗樓同設計公司會到我新居開工，可能我順便都拍下片影吓相同大家分享吓，我唔知幾時先可以有真正嘅快樂，但在此之前，都係要努力生活吧🌈🥺 而家放咗一張相俾大家睇先🥺