裸體圍裙 vs 開檔魚網襪😛 胸旁的擠肉🤔 (Patreon)

（尋晚租咗地方影相，老實講圍裙造型無乜feel，結果只係影咗少少少，魚網襪就影咗好多，今日可能會繼續影both造型😛請期待更新🥰）

最近有一個moment，令我體會到喺body positivity嘅議題上，點解部分人會咁執著其他人嘅缺點，然後不斷reinforce 一套審美觀。

TLDR: 唔acknowledge 自己嘅privilege，暗自想keep住自己嘅privilege，which 唔係錯，但係最好要有awareness。

我有呢個想法，係因為睇到以下呢張圖

我第一個反應係：下，戴唔啱bra 先會逼咗啲肉出去，「副乳」嘅問題根本係源自著錯bra，好容易改善姐，點解要特登normalize 呢樣嘢呢？

下一秒我就tune返自己啦。

嗯，其實係因為我天生胸形圓+年紀唔太大+好細個開始好就care個胸形著貴bra，所以先覺得集中、圓潤嘅胸係應該，副乳問題係好容易改善。但忽略咗：

1. 根本無人是必要在意胸型

2. 唔係個個天生都係我咁，咁「容易」戴靚個形

3. 「副乳」根本唔係「問題」本身，個問題係社會逼女仔戴bra，但又無足夠教育/輔助，先搞到佢哋戴錯bra，夾到脂肪不平均。

4. 就算胸形「唔靚」都無問題

個情況apply to 肥瘦，就好似我同潘咁，潘媽媽到依家都係80幾磅，骨架細我一半有多，佢天生就係瘦底😬 有一次佢話減肥（其實佢本身BMI 從來都係過輕，一直無肥過），一星期唔食carbs（其實有食少少），即刻瘦咗兩磅（佢本身無100磅，比例係好多）😦 我O曬嘴😂 明明我一直以來都係接近無carbs 料理😂 如果潘同我講話「減肥好容易」，可能我都會反白眼😂 因為佢天生係瘦底，當然唔難😂 正如我天生胸部圓潤，要夾靚啲個胸形都相對輕鬆，如果我好自大咁話「車，戴啱bra咪唔會必肉囉！有副乳一定係因為懶！」咁，就真係太膚淺、無同理心了！而且邊個話一定要有某種胸形架姐！

大家唔好介意我咁小事都長篇大論，除咗因為我本身就關注相關議題，亦都係因為我唔想去諗「更重要嘅事」/「真正重要嘅事」，例如國安法。人生太艱難了，讓我們小題大造吧😅😂💞