我試過吸毒？做過「壞事」揭曉 (Patreon)

話說尋日個快樂指數表，我淨係無試過三項😂 其中幾項我想解釋下。

2.煙我係無食過嘅，電子煙或煙仔都係一口都無。不過水煙食過幾次，第一次喺香港，之後幾次全部喺伊朗，當地人帶我去食嘅，係佢地文化黎，不過都係吸咗幾口，唔知算唔算🤣 我唔計落去😄 我好怕搞壞個肺，因為我呀公曾經有過肺癆，死之前幾年都要周圍攜帶住部呼吸機，行兩步都喘氣。所以我細細個就肯定自己一定唔會食（不過可惜近年tg 都吸唔少🙃）

6. 係泳池尿尿。好細個嘅時候會，依家唔會啦，請勿歧視me😂

8.無試過同人打交，但試過同狗打交，明嘅就明 :o）

9.中學好鍾意喺lost and found𢴇嘢用據為己有🤣 然後我自己啲嘢都成日比人偷🤣

10.用娛樂性藥物。同食煙一樣，我一直好抗拒任何毒品。因為成長背景嘅關係，我明白毒品可以點樣毀掉一個人，甚至整個家庭。之前有朋友搞私人party（我好少參加party，一年都無兩次），跳跳下舞，有人隊一個氣球比我（嗰個人我識識地），叫我吸下。我好奇+當下氣氛影響，就吸咗幾口，然後即刻天旋地轉要坐低😅 原來係laughing gas 黎。不過個feel 15秒左右已經退得7788。呢次就係我20幾歲人第一次試娛樂性藥物，之後嗰個人叫我吸多一口，我都拒絕咗。

如果將來有機會，可能都會想試下隊草，純粹好奇係咩感覺而已。我明白點解啲人會用藥上癮，其實唔係真係啲藥，而係佢地需要逃避一啲嘢。好似我想逃避世界嘅時候，都會通宵打機、瘋狂煲美劇、瘋狂diy（😛🤭）。毒癮其實不單來自藥物，仲係來自生活嘅沉重。但我都幾肯定我絕對唔會對煙、酒、毒上癮，因為我真係太明白佢地嘅禍害，而且我好care自己個腦，唔想搞到自己變弱智。

14.沒有被拉過，呢個我都真係覺得係奇蹟，簡直係神功護體🤭