23歲買樓 - 可以出錯嘅都出錯 (Patreon)

2020年2月，我不斷受到藍屍騷擾，方式係不斷將我2017年流出嘅patreon內容send 比我、周圍貼，想傷害我，話我知佢睇到流出內容好威威。我覺得好煩厭，又因為性格不服輸，就出咗個ig post 反擊（已被舉報至delete😂），內容大概係透露，我兩年前已經因為惡意流出，令我23歲（2018年）就買到樓，籍此反擊啲認為流出= 傷害我嘅hater😂

篇文係咁嘅（fb無被del)：

講起買呢層樓，真係激氣。2018年買嘅，話2020年頭收樓，但到依家都未收到樓，不斷延遲🤦🏻‍♀️ 最令人眼都凸埋嘅係間律師樓，我大把律師樓人脈，如果早知佢哋咁垃圾，我就唔會聽個經紀介紹用呢間🙄呢間律師樓幾乎將所有可以錯嘅嘢都錯晒🙄

1.樓盤名

只係填form，佢都可以完全填咗另一個單位、另一個地區、另一個樓盤🙄 唔係我提醒佢佢唔發現。

2.我個名

呢個搵唔到cap圖，但我個名出現咗喺合約唔同地方，然後佢有啲地方可以將我個「喬」串做「Kui」，呀喬慘變呀渠🙄 Again，係我自己睇到，如果我唔提出，佢哋就唔會發現。

3.成交日期

對樓宇買賣有少少認識嘅人都會知道，成交日期係好關鍵。我份約就寫明，某日前成交先可以有 1% 回贈。幾百萬嘅 1% 都唔係細數目，然後佢居然可以扮唔知。好，我當佢唔記得，但我文件一早交齊比佢，就爭上去簽名，然後我早一個禮拜問佢幾時可以去簽，就算佢之前錯咗，而家都仲有一個禮拜可以補救，佢居然可以話一個禮拜冇辦法處理得切到份文件。？_？真係黑人問號？你求其比一個法律系intern，都半個鐘可以搞好份文件，你自己搞錯日期，然後而家仲有一個星期，你居然話做唔切？最後我打咗好大篇英文俾佢，然後不斷打去佢哋Office鬧，仲補咗幾千蚊比佢（我都費事計），先力保不失。睇吓佢態度幾差：

4. 搞錯銀行、搞錯借貸金額

我係喺渣打做按揭，佢份約就幫我寫喺恒生🥱 然後連我借銀行幾多錢都寫錯🤗

5.地契無寫笪地名

真係寫出嚟都覺得好笑😂 頭1-4項，全部都係喺2018年發生嘅，成交左之後佢都冇乜嘢跟進（佢係冇跟進，因為地產商不斷延遲收樓，佢應該要話俾我聽、幫我處理，但佢完全消失咗），但呢單嘢係上個月先發現嘅。上個月，銀行打俾我，話份地契出咗問題，仲同我講，我嗰間律師樓已經執咗笠😂😂 唔係銀行講，我都唔知😂😂

銀行幫我安排咗一間律師樓，處理地契嘅問題。我今日去咗補簽，發現原來佢冇寫按咗邊幅地比銀行，係香港九龍定新界都唔知，直接漏空了😂 而且estate串錯做estae😂 仲有好多濕濕碎碎嘅錯字、錯頁數😂

去到呢個位，我都唔知好嬲定好笑😂 佢呢間律師樓執咗都係一件好事，連一個intern做嘅嘢都好過佢哋。我唔做律師，其中一個原因係因為唔想大壓力，因為律師樓做嘅嘢唔可以出錯，而呢間律師樓，居然可以每一項都出錯😂😂 冇地方唔出錯😂😂

而家新嘅呢間律師樓，仲同我講佢哋執緊呢間極品律師樓好多蘇州屎💩😂 原來，我嗰啲出錯已經算輕微，有啲客，直頭係成張契搞錯咗。譬如係商業買賣，但就用咗私人買賣嘅契去做😂

呢一刻，我真係當笑話睇，已經冇辦法嬲得落😂 因為直頭離譜到荒誕嘅地步。最後，當然要話俾大家聽係邊間律師樓咁叻叻，就係佢啦（已結業）: