清純家居look - 論清純 (Patreon)

越係觀察一般直男嘅喜好，就越係發現一啲好笑之處。

譬如「清純」感覺嘅女生，一直係唔少男士心目中嘅愛好，但漸漸地，我發現所謂嘅清純，其實同嗰個女仔嘅性格、經驗係完全冇關係😂 純粹係講緊一種外貌😂 即係，白白淨、淡妝、眼大大、有少少無辜、黑色長髮、手臂瘦瘦地、嘴唇薄薄地、啲衫顏色好清淡，咁樣就叫做清純😂😂 就算佢性格幾差，甚至一開口粗口爛舌，只要生得「清純」，都係會被認為係「清純」😂

相反地，一個眼尖尖、嘴厚厚、臉方方、陽光膚色嘅女仔，就算佢為人幾純品、對世界幾冇機心同埋經驗，都唔會被形容為清純😅

清純呢一樣野，好多時滿足到各位男士想要保護弱小、做大男人嘅心，但當所謂嘅清純，根本原來唔係建基於個女仔嘅人本身，而係潛意識地只係睇個外貌，就自動腦補個性格，其實可能係一個盲點呢😂 唔知有冇講錯，大家可以討論下😂