老化的雙乳😢 解決辦法🙉 (Patreon)

呢張相我覺得個樣唔係咁靚，所以遮遮先出😘 其他tier 有無遮樣和其他角度的😉

話說近期我覺得個人冇乜心機，可能政治環境影響，我工作又冇乜動力做，屋企又冇動力執，成個人好似好頹廢咁，係剪完個頭髮心情稍有好轉，先有返少少動力。

跟住我望下自己個身，覺得好似真係老咗，皮膚嘅質感望落好似都唔同咗。雖然我知道身體係會一天天變老，始終都要接受，但我覺得如果可以，都想盡量維持一個有活力嘅身體。

尋晚凌晨忽發其想，join咗一個斷食program🤣 好似話可以提高新陳代謝率😁，亦都會令到個人精神啲。咁我就想試吓一個禮拜，睇吓有冇用。

其實現實中，我個人都成日斷食，我通常一日淨係食到一餐，最多都係兩餐。唔係特登減肥所以唔食嘢，而係真係唔肚餓，同埋有時做嘢做到唔記得。但衰在有時陪屋企人，就會突然又食多咗，變咗冇嗰個consistency，同埋我自己係亂咁嚟斷，一時可能30個鐘唔食嘢，一時可能隔幾個鐘又食一餐😂 雖然唔係食好多，咁樣食無定時係仲衰過定時定量但大食🤣

我見橫掂我都做開斷食，點解唔有系統、科學地做呢？呢樣野對我來講唔會好難，因為我基本上係唔會肚餓嘅人😂😂 （細個減肥減壞咗，好多時候唔識肚餓）同時我都想試吓一日最少飲2L 水（其實我而家都飲得唔少），好期待一個禮拜之後有乜嘢變化，我會喺呢度update 大家。