MK做雞，飲酒之後拉人去廁所扑嘢，又借人錢之後消失咗 (Patreon)

無錯，呢個就係傳說中嘅我😂 話說近期出現咗好多呢啲什麼投稿page，總之就係看圖作故事，一張圖，然後「有人投稿」，吹到點都得，抹黑當事人，但又好多傻豬仔好認真看待呢啲嘢😂 所謂指控，通常都係啲無謂野，例如乜嘢搶人男朋友、喺學校食煙😂睇啲經營手法、措辭語氣、敘事方向，似係啲未成年嘅中學生做😂😂 好無聊🤣🤣

不過都覺得幾榮幸，我都應該老呢班中學雞10年，但可以比佢地當做同輩，仲叫我「MK」😂 毒L如我，接近30歲去bar 飲酒嘅次數，10隻手指數得曬（唔關乖唔乖事，係唔鍾意呢啲場合，好多人好嘈😂）錢就仲光明磊落，從來只有人爭我，唔會我爭人😂 因為我性格係費事煩，所以成日俾人爭我錢😂 有啲人會覺得好洩底，但我覺得要追究仲麻煩😂

anyways 呢啲page 好搞笑，中學生做風紀，會逼啲佢公審嘅小朋友「改過」，唔改過就唔del post😂 睇佢地個樣，應該好想啲有reach嘅人share黎呃follow，所以我係唔會公開同佢地宣傳嘅，喺度大家一齊笑下就算😂🙏🏻