貓抓在肉球上🤡 坦誠🥺 (Patreon)

點解我咁容易受傷架呢😅😅 其實啲貓都無做咩，輕輕刮到少少，我已經有痕🙉😅

想喺度同大家坦誠一下，關於我對自己身體/整體嘅一啲不安。

1.老

歲月不饒人，青春留不住～ 雖然我唔係咁care 外表，但始終成日影相、拍片，會觀察到自己身體嘅狀態，的確係有明顯老化。譬如皮膚無咁有光澤、啲紋開始多、眼皮墮咗、個樣嘅比例都有少少唔一樣，無以前咁cute🥺 體能方面還好，仲未有大退化（可能一直都無乜需要高度用體能），但外表嘅衰老真係無得唔認。我好掙扎，到底要灑盡金錢、精力去盡量留住青春（包括大量運動、醫學美容etc）定係接受現實，舒舒服服（喺身體方面）咁過日子就算呢？

2.肥

呢個唔洗解釋啦🤣 可能同老有關係，加上我無特登減肥，就變左越來越肥😂 其實肥，但健康（我算健康），都唔係好大問題，但我有一個對身材嘅少許標準：一係好普通，如果肥，就要肥得好豐滿，葫蘆型咁。但我依家嘅肥，係趨向「一舊嘢」😂 姐係，我波/蘿無大好多，但手臂、腰、背就越來越多肉，變左望落，仲好似細胸咗、扁平咗😂唉，唔知好無搞搞佢。

3.知識修養

老實講，我依家得個學士學位，雖然叫做專科，但無讀上去，都係無用。我又唔想走law 呢條路，因為都覺得無得做😂 香港無法治可言🙉 呢個係我year 2 已經發現嘅嘢。 問題黎啦，唔讀書，我覺得個人無乜進步，再加上已經好耐無去旅行，連去外地同其他人交流、見識嘅機會都無埋，我覺得自己個腦好似生鏽咁，越來越廢😫

但個問題黎啦，呢一年咁嘅政治環境，我諗關心得香港嘅人，都唔會好過。有時我明穩定點解重要，姐係傾計咁講，假如我連未來幾個月，自己會唔會被告暴動都唔知，點樣走去plan 一個一年嘅減肥（嚴格來講係塑形）計畫？點樣去報乜報物，走去進修？當我讀law讀上去，我點知會唔會突然之間，話你發表過反政府言論，都唔可以宣誓做律師？

面對咁多不確定因素，加上整體都比較depressed、同時又要處理好多雜務，本身已經分身不暇，仲點樣走去顧及自己個外表，或者投資係一啲比較長遠嘅事情例如讀書身上呢。連開始研究呢啲嘢，嗰一下嘅動力都搵唔到，每一日淨係參與抗爭、關注新聞，處理下一啲必要嘅雜務，做下自己嘅工作，基本上已經花光左大部份嘅精神😟

我相信呢個唔係淨係我面對嘅問題，更加係好多關心香港嘅香港人，共同面對嘅嘢。所以我想同大家講，你哋絕對唔孤單，好多人都係好似大家咁迷惘，咁樣掙扎緊。