透視婚紗倒奶 - 我諗過結婚 (Patreon)

中學嘅時候，我一直都覺得自己係會過一個超級standard 嘅人生 - 好好讀完書，做份ok嘅工作，同個ok嘅男人結婚生仔～ 咁。

連我以前嘅男朋友，都係好典型嘅乖乖仔。我真係有想像過，自己就係咁結婚，然後兩公婆一個做律師一個做銀行，供下樓，過下中產生活，放假去吓旅行～

不過呢種生活，交比Ex 同佢嘅現任去實現了。聽聞佢依家做big 4都撈得唔錯，但我諗佢應該無估過我會變到依家咁😂

我雖然係網上間唔中都會打下什麼dllm、on9，但現實中係從來唔講粗口😂 以前同佢一齊嘅時候，我係講緊18歲女，都未聽過「閪」呢隻字，唔知係乜😂 可能因為我由細到大，都係讀啲比較純品嘅女校😂

我間唔中都會諗，唔知EX點睇依家嘅我😂 佢份人比較「傳統」少少，見到我好似變左另一個人咁，唔知佢覺得proud 定可恥有我呢個ex😂

anyways 其實講結婚，我淨係諗過同佢，之後就完全無呢個念頭了。依家都唔知一輩子有無機會試呢樣嘢，但我完全唔覺得可惜什麼的。我已經唔係以前嘅我，我感覺自己好似唔再被社會嘅要求框實了😛