浴缸打機🛁經常被騙的我🙄 (Patreon)
Published:
2020-05-24 18:31:09
Imported:
2023-11
Content
如果有留意,大家應該知道我間唔中都會做下公益~ 流浪貓領養救助、開房(明嘅就明)、助養兒童、請食飯...但我發現,唔少黎嘅人,唔少係無需要、無意,只係想見我一面/攞著數/想溝我/甚至當我係雞🙄
有個我助養嘅小朋友,居然比我發現佢攞我啲錢去叫雞🙄 (我有個朋友,又係助養,然後個仔攞啲錢去買咗架電單車🙄🙄) 喂大佬呀,唔係話要你清心寡欲食齋,但我地自己都唔係咩有錢人家,我地嘅付出未必比佢地少好多,只係我地可能更加多勞動/努力/節儉,所以叫做有多餘錢,可以幫下有需要嘅細路。喂,你攞去叫雞、買電單車?🙄
領養貓嘅,講明有窗網同基本設備,家訪先發現無,亦原來唔係咁想養貓😂 請學生食飯,有啲cheap精黎到,先發現佢係幾十歲有工返,仲會喺fb post自己食好西😂 開房收留有需要人士,成班唔關事嘅想白撞~ 我知道有啲人會心懷不軌,特登搵個男嘅接待,跟住有啲「有需要人士」,可以因為見唔到我,入都未入黎就走😂 見唔到我,「有需要」突然變無需要😂
不過咁,無理由因為呢個世界多cheap精,就唔做好事。我嘅心態係,幫人都要謹慎、保護好自己,同埋唔好expect受助者係聖人。基本上,幫人= 預咗俾人呃就啱㗎啦(唔係反話)~ 有咁嘅心態先好做善事,如果唔係好易崩潰~