我在幹嘛？紀錄片、中大性別研究講座、傳媒 (Patreon)

最近做緊好多關於性別嘅工作，除咗周不時會上媒體講相關嘅議題，最近都拍緊一套紀錄片，尋日啱啱都做咗一個中大嘅講座（網上），內容係講身體自主。

尋日由朝到晚，紀錄片嘅團隊上咗我屋企，拍攝我嘅日常生活（其實即係不斷喺度寫嘢睇新聞之類），佢哋應該拍咗好多好鬼真實嘅畫面，因為完全冇化妝、着住睡衣（非性感）、冇任何角度😅 跟住我喺度亂咁講嘢，講埋啲非常之政治不正確嘅嘢，建議就算個紀錄片出咗，大家都唔好睇，我唔係好敢見自己嗰個樣😂

傍晚7:00 ，就開始用zoom做網上研討會，其實我覺得我真係未夠班同呢班教授拍埋一齊，佢哋全部都係好有學術成就同埋好專業，我相對比較係「實踐型」，而佢哋嘅工作我認為比我認真、全面，我覺得雖然我係嘉賓，但我都學到好多嘢～

多謝大家一直支持我嘅工作💜 同埋支持我呢個人💜 我已經約咗過兩日去酒店同兩個女仔影相，將會係你地冇見過嘅全新嘅人😏 仲有關於我哋三個女仔一啲好有趣嘅故事😏 敬請密切期待💜