公園透視 - 因為我而說要自殺的人 (Patreon)
Content
如果大家有留意,近日我喺ig討論緊女性賺錢「優勢」、厭女等話題。起源係因為唔小心見到連登嘅討論,以及有人inbox 我話佢想做女人、佢「咁辛苦工作為咩」...
點知今日,佢就再inbox 我話要自殺了。
唉,乜咁都可以話要自殺,一定係本身生活真係好唔開心😕 唔知佢真定假,但死之前都好似要拉埋我落水咁...如果大家係我,會點做?
我個人對自殺嘅睇法:
我身邊有幾個識得嘅人係都自殺死,一個close frd中學時期認真話要自殺,我日日都諗如果佢死咗,點樣去同佢嘅屋企人解釋,諗到發惡夢。佢哋不約而同同我講,佢哋想我尊重佢自殺嘅意願。咁雖然我唔想佢哋死,但條命係佢哋嘅,我無辦法理解佢哋嘅痛苦,我冇辦法要求佢哋繼續活着去承受痛苦,只係為我唔需要感受失去佢哋嘅苦,咁樣算係好自私...所以如果佢哋係要死,我都唯有係尊重。因此,我個人並唔反對自殺,甚至覺得安樂死需要合法化,去保障冇生存意志、極度痛苦嘅人,可以有尊嚴地死去。
我唔知呢位仁兄係乜嘢意思,想搵個人傾訴?定係想要挾我?定係純粹想發洩?如果搵人傾訴,我唔係專業嘅人,可能傾完會仲衰。要挾我就冇可能嘅,我對自殺呢啲嘢其實睇得好開,如果純粹想發洩,反而係最好嘅結果,希望佢咁樣係我講完,唔會真係走去做啲乜啦...始終因為妒忌女人而死,真係好on9...(雖然我覺得呢個只係表徵,唔會係真實原因,真實原因一定係好複雜嘅。)
如果你哋係我,你地會點做呢?