透視蕾絲bra🔥其實我還經歷過其他性暴力？ (Patreon)

本來我已經打緊一篇文，想講我ig嗰篇文以外嘅某兩個經歷，但打打下，都係決定唔講。因為我未ready。

有啲嘢，保持秘密，係保護自己嘅措施。保護自己嘅私隱、保護自己嘅心靈。就好似我中二俾人喺地鐵跟蹤偷拍校服裙底、中三比阿伯問價、中四俾阿伯跟幾條街，之後不斷講話我好大波一定好好砌，呢啲經歷我都係過咗多年之後，先至夠膽講番出嚟。

呢啲嘢我已經get over左，所以我可以喺度寫俾大家睇。但我經歷過某啲嘅性暴力，比呢啲更嚴重、更令我受傷。某一兩件事，對方係足以坐監，而我發現原來我都仲未有勇氣去公開、面對呢啲事。

怕大家去調查件事，然後揭發到我嘅私隱，然後又進一步利用我嘅私隱去傷害我。怕大家怪責我唔夠當機立斷、太蠢。

希望過多幾年之後我會ready啦😥 希望我五年之後可以講到呢啲事出嚟，我諗對我來講會係一種解放⛄️ 又或者，有啲嘢都係留咗秘密好啲。