裸在家中，剪了陰、戴眼鏡、素顏 (Patreon)

不關事的預告：買了好多衫送緊嚟☺️

老實說，近日的morale有啲低，總覺得好鬱悶，好多事未做，同時又唔知做乜好，又覺得自己好似冇乜成就🥺（我成日都係咁，呢個係我嘅正常狀態，不過因為疫情放大左少少🤣）

有啲人問我，點解拍嗰啲youtube 片咁搞笑，可以忍到唔笑🌝 其實個真正原因係，我個人吽吽地，笑唔出🌝😂

因為疫情，我對我自己嘅倡議都有少少反思，包括body positivity、embrace自己嘅身形。而家好多嘅jokes，都係講自我隔離，害怕之後會變到好肥，而外國嘅bopo community，對呢種現象非常批判。佢地批評fat-phobia、啲人掛住個體態etc.

不過在我嘅角度，我真係明白。身型只係一個人嘅其中一個部分，但當你被困係屋企，冇乜野可以做，冇乜嘢可以achieve，呢個時候，身形嘅重要性，可能就會被放大。而且好多人因為隔離，改變左生活習慣，少咗好多運動，而運動除咗維持身材同埋健康，仲可以幫人減壓放鬆。喺呢個狀態下，jokes aside 我會明白啲人點解怕因為疫情而變肥。

以我自己為例，我覺得我其實已經睇得好開。不過因為近日嘅自我隔離，我覺得自己又肥左，然後個人又好似慵慵懶懶咁，冇得周圍去，又冇乜多活動，就冇乜幹勁。

所以冇得運動、身形改變，的確係會影響情緒，與其將呢種想法只係歸咎於fat shaming/fat-phobia，然後叫人哋接受自己身形改變，不如都試吓倡議如何喺屋企輕量運動，keep住自己個身同個腦都fresh☺️

利申，有跳aerobic，跳到肌肉痛😂 講咗咁耐差啲唔記得講重點，就係我雖然個morale 好低，但我今日自己一把火剪完啲頭髮之後，心情就突然好咗好多啦，所以好多時其實physical嘅嘢係絕對可以影響到情緒。（因為疫情，我已經放棄左兩個興趣，就係gel甲同埋植眼睫毛🥺）

剪髮之前，真係日日見到都想放棄人生: