被油麻地阿伯問價的裝束 + 我的露體慾 (Patreon)

早兩日約咗朋友喺彌敦道等，我就着住呢套衫，求其企一邊。

之後5分鐘之內，有三個阿伯好似鯊魚咁圍住我。其中一個阿伯不斷向我打眼色，並做出「$」嘅手勢。

已經係彌敦道大街大巷，光天化日，咁我就走遠少少，點知都係有一個阿伯一路跟住我。

如果唔係我個電話得返1%，個人冇乜底氣，我一定錄低啲呀伯同埋鬧佢。

其實睇到呢啲阿伯，就會明白點解咁多人鍾意無啦啦話人係雞。係佢哋眼中，係冇衣着自由嘅，稍微性感少少（其實我完全唔覺），佢哋就要assume你係為咗人、為咗引誘人、為咗某啲目的，而唔可以單純係自己鍾意咁樣着😂 呢種人根本唔值得我哋放在眼內，所以你地見我對網上嗰啲攻擊都睇得好開😂

另外，有好多人好似覺得賣性感相好墮落，咁我本人梗係唔覺啦😂 我係覺得好開心嘅，因為露體係我嘅fetish，我可以一路睇住你地對我嘅comment，一路心癢癢好興奮😛

我係好enjoy可以喺ig post 相，亦好enjoy可以喺patreon post獨家或尺度更大嘅相。Patreon因為有大家嘅愛（haters 通常唔會喺呢度出現），係一個安全島，而且帶比我某程度上嘅財政自主，亦令我有能力做好多有意義嘅事（救助流浪動物、助養本港兒童、start其他生意），所以我好享受喺度post嘢，可以話係寓工作於娛樂🥳

好似依家拍youtube、填詞咁，其實我細細個就好鍾意寫呢啲嘢，中學嘅時候我讀英國文學、中國文學，都成日好鍾意寫詩😂 有啲嘢，冇興趣同熱誠係好難做落去，觀眾都會睇得出你有冇付出個心😛 搵到錢係一個bonus, 搵唔到我都會照做，不過可能多啲掙扎咁樣囉。好似當初影相咁，post咗幾年都係無錢架啦，我咪都係一路post 同寫文😛

如果喺呢度賣相、賣文、賣片係叫做做雞，咁我諗做雞真係我嘅興趣😂 no shame😂