頑皮的鏡子😛 IG雞的辛酸😅 (Patreon)

其實挺胸收腹好攰😭😂 我大部分時間都係左邊咁😂

好多人覺得影相好容易，我以前都可能會咁認為。但自己做類似嘅嘢之後，就發覺唔簡單了。大家唔好睇小啲model，喺泳池上食個靚早餐，好輕鬆咁影張相，其實我敢保證佢一啲都唔輕鬆。

首先，佢要book到一間靚酒店，呢度需要錢，同埋資料蒐集。去到，佢要早起身。正常來講，仲要化妝、打扮、set 頭。然後，要搵個好嘅陽光，跟住開始影相。要拍到高清，幾乎一定係要用相機。要拍得靚，自拍一定唔得，腳架都唔容易，一定要人幫（又係resource，social resource），影咗好多張好多張，之後仲要揀，仲要執相...

所以，唔好以為影下靚相好容易，其實真係要經營、要好多嘅付出。仲未計佢平時要保持自己嘅身材、外表等等，除非全靠PS啦😂😂😂 但咁樣唔長久😂😂

一張好靚嘅相，可能係用咗幾個月嘅時間心力去鋪排😂 所以，每一個行業都有佢嘅辛酸付出，唔好以為啲好似好風光嘅model唔洗做😂

利申，無化妝無襯衫😂 用iphone +腳架自拍😂 但都用咗我差唔多半個鐘去影，再用都成個鐘去揀相🥺 已經覺得好辛苦🙉 好難想像啲真係model嘅人係付出幾多。