我的露點照任看啊 (Patreon)

話說尋日無啦啦收到一個陌生人，send 呢張圖比我，話好正（我知佢無惡意，但本能上我收到嗰刻，就覺得似係個恐嚇多啲）😂

呢張圖本來係我patreon 嘅相黎，大概一年前左右post，咁本身就無露點嘅（個點都唔喺嗰個位，我對波大好多囉好無😂），但比啲人流出，傳來傳去，又p粒點上去，之後個個睇嘅都以為係真😂

其實已經唔止第一次係咁。

其實我就唔鍾意露點嘅（duh😂），唔係單單因為怕醜呀、私隱等問題，而係，我覺得露咗，係無咁性感😂 相比起，遮住/若隱若現，反而更加引人入勝🌚

乳頭就係人都有嘅（何君堯除外。仲有cancer survivors呢啲respect🙏🏻）佢嘅性感，我覺得係來自社會當佢係禁忌，and of course biologically 佢好多末梢神經、好敏感、可以哺乳象徵繁殖etc 但如果呢個社會個個都袒胸露乳，無人再當睇到女性乳頭係寶，咁其實係無咁sexy🥺

當然部分feminist 尤其支持 #FreeTheNipple 嘅朋友會覺得，將女性身體「去性化」係一種empowerment，我都respect ，但我自己就偏向覺得，其實肉慾係好美好嘅事，不同性別互相sexualize 都好正，男女體互相sexualize 互相設立一啲禁區、禁忌，咁先挑動到性嘅慾望，先玩得開心。（只係我自己看法）

當然，一切嘅前提係consent、consent、consent，身體自主，無端端sexualize 人而又走去騷擾人，係唔好嘅（喺自己個腦度ff ok）。

另一方面，我又思考啦，其實依家嘅人究竟有幾care authenticity? 姐係寧願睇假嘢、信假嘢、鍾意假嘢，都覺得無乜所謂？呢個現象我已經觀察咗好耐，姐係好多明顯整容隆胸+ 極大p 圖，去到身體不合比例嘅model，係會受到極多男性吹捧🌚 唔知大家究竟係睇唔出，定唔care 真假🌚

之前都講過，我對呢個風氣係又愛又恨。一方面，我覺得整容隆胸係自由，點樣表達自己都係自由。透過呢啲手段去幫自己「升值」，可能係佢地嘅出路，無得限制人地。另一方面，佢地又set up咗個超級高（而且非人性）嘅standard，但又未必真係好靚（喺我角度），仲要受到吹捧，年輕女孩子好有可能會見到佢地，之後墮入無限自卑嘅局面，跟住又搞到情緒有事，黎搵我輔導🥺

有時諗到呢啲位，我就寧願唔諗咁多，不如繼續做好自己，鼓勵身邊嘅人好好愛自己好了💙