最近收咗隻奴仔 兩日攞咗佢$6000 (Patreon)

大家都知我喜歡研究性癖好，喺youtube （荒廢）都拍過唔同片講呢樣嘢。

唔知大家有無聽過Financial Domination, 姐係有啲奴仔（通常係男），好鍾意比主人金錢勒索、供奉主人，並籍住「比錢」呢樣嘢得到性快感。

我做過少少research，比錢嘅方法有好多，包括網上過數、寄支票、陪主人買嘢碌卡、幫主人交租交費用、比張信用卡主人全權使用，甚至要主人管理整個銀行戶口。

至於點解會有呢個癖好，好多時，係因為佢地渴望被操控、被羞辱。將自己辛辛苦苦賺嘅錢，幾乎毫無原因地無端端送比一個女仔，佢地會覺得好被剝削、好低賤，自己只係一部ATM，唔係人，就挑起咗佢地嘅被虐嘅興奮啦😛

至於喜歡被虐、被操控，原因可以好深遠好複雜，都可以好簡單。好似我呢隻奴仔，就話自己好細個已經幻想比女同學踩同欺凌；

亦有啲奴仔係因為家較太嚴，令佢哋覺得被貶低、被虐就係愛；

亦有啲係因為職業，要做大量操控、管理、決定嘅崗位，導致壓力太大，喺私生活要用「完全放棄權力」呢樣嘢黎釋放自己。

所以，大家千萬唔好以為，有呢個性癖嘅人都係啲奇怪loser，其實分分鐘唔少係有權有勢、有錢有財力嘅專業人士、管理層。例如我問過我隻奴仔，佢依家月入就5/6萬，由此推斷佢應該都至少係中層。

講返我個經歷先。比大家睇下件事點開始：

就係咁，佢就過左$1000比我，然後因為過得太遲，比我罰多$1000😂

大家唔好以為，我係主、佢係奴，所以控制權就全部喺我度。其實玩呢啲係要互相尊重，如果佢唔下放個權，比我去控制權，我係唔會操控到佢。我亦唔係話攞錢就攞到錢，而係用我嘅智慧（？）去了解佢嘅敏感處、撩佢個腦😛

例如咁：

其實我對啲錢唔係真係咁大興趣（但又唔會話無，只不過絕對唔係主因），我係好好奇我究竟可以令一隻奴仔洗幾多錢，同埋好想測試下自己智慧，睇下自己可以撩到佢去邊個程度。同時，我都想透過同佢交流，了解多啲呢隻奴仔（太特別新奇有趣罕有了），以及呢個性癖好itself😛

我有講過話唔比佢打飛機，佢真係有聽我講，喺我批准佢嘅時段之後先打。但佢打完，發洩咗，就無再搵我了😂 雖然我信佢之後會搵返我😂

我睇過啲documentary，有講話唔少奴仔係發洩完，會完全消失，到又再horny（ie 想俾錢人）嘅時候，又會出現。仲有啲奴仔係random 到，無啦啦過左幾十萬，比一個無乜交流嘅女皇，然後從此消失😂

至於做cash slave 嘅代價，我諗似乎佢踩到幾深啦。我呢隻就話，佢月入5/6萬但完全儲唔到錢，月尾仲要食杯麵。但我睇啲documentary，有講過話有啲係玩到賣樓賣車、家庭破裂，甚至破產。

我就無嘢嘅，有得玩，又有挑戰，又有錢收，又有得研究我嘅興趣，why not😛