溫泉♨️預告2 (Patreon)

還是未有時間和心力 整理溫泉的照片，今日本身想post 一張圖喺ig，講body image的，因為自己近年越來越發胖，影相、穿衣服就好覺了🌚 但老實講，我又無話特別想減肥，因為我自問唔係暴飲暴食，已經好L節制，運動都有適量，係真係基因+壓力搞到發福😂 同埋我覺得唔減肥 =/= 鬆散、懶、唔上進，我只係上進咗喺其他非外表嘅位（eg 讀書、工作、陪伴家人、義工etc）。唔排除有啲model 身材嘅人都可以好全能，但我諗絕大部分人都唔係，一定有啲地方努力啲，有啲地方不得不取捨。

等於我自知天生小聰明，讀書無乜出力，考試都唔會太衰，但好多人係死讀爛讀都差我幾個level，我都唔會走去judge佢地斷定佢地係懶呀之類😛

可能我超級刻苦+日日狂做運動，全副心機投入，可以減到啲肥，但我寧願用啲時間增值自己+ 陪下家人朋友，肥嘅問題只要within 健康嘅range （which is 依家）就好了。