又是溫泉圖 - 心事♥️ (Patreon)

唔知大家有無覺得，呢幾個月運動開始後，嗰種獅子山下互助嘅精神開始出曬黎？

我覺，尤其是有時喺現場，或者做後勤，不時會感受到嗰種同舟共濟。

不過，我好驚運動完咗之後，無論結果如何，呢種表面嘅和諧都會再次被撕破，形成更激烈嘅內鬥，好似後雨傘、魚蛋嗰期咁😕😕

我自己就比較關注性別議題、身體政治，見呢排好多人炒作中大S同學嘅「過去」。其實我識咗佢幾年，以前試過一齊比傻佬攻擊。佢一向都有是非纏身，但全部都只係啲八卦嘢、同ex 啲恩怨，其實連什麼「過去」都稱不上，完全唔應該影響到佢公共領域嘅發言。（反而我其實無乜真 • 是非，你唔會見我啲朋友/ex 走出黎鬧我，鬧親我都係啲陌生人lol）。又見到好多人走去問女權L 去咗邊（其實女權L真係做好多嘢架啦，點解下下要single out 佢地），有啲人又走去恥笑被P圖嘅肥妹.......我就覺得，唉，呢個香港，仍然係十分唔友善。今日仲有個喺ig post自己半裸肌肉照嘅所謂同路人（男/後生），inbox話覺得我應該要delete 曬ig 所有「有味」「引人吊」（佢用詞）照片，暗示會影衰個運動，話我應該淨係post 文宣，我真係黑人問號🙃 點解一般人照樣吃喝玩樂無問題，間唔中講下香港加油啲人都會覺得佢係同路人，而我將自己個ig 99%變成文宣平台，背後又策劃唔同嘢（唔爆啦呢啲），居然會換來比人覺得我連1% 自己嘢都唔應該post...

我已經feel 到，如果無咗呢場運動帶來嘅偽團結，好快，香港又可能會變返嗰個令我覺得超級窒息嘅封閉社會😢 諗到呢度就覺得有啲sad...

我就當最後贏咗，6大訴求全部達到曬，可能距離我理想中嘅樂土仲有一段距離呢😢