當旺角遇上肉肉 (Patreon)

ps 內衣是victorias secret， 參與小遊戲的寶寶揀的

心事台

今日係中大email/emiliawyk 最黑暗嘅一日，因為做文宣做到我最愛嘅instagram acc戰死咗沙場。

可能一般人會覺得，一個虛擬嘅acc有乜嘢大不了，但對我黎講，呢個ig 係完全改變咗我嘅人生，無誇張。如果唔係呢個平台，我根本唔會開始宣揚我嘅理念，唔會喺網上活躍到有人認識，唔會挑戰自己咁多底線同做咁多社會實驗，唔會識到依家好frd 嘅某啲好朋友。我應該唔會經歷咁多網絡欺凌，性格/處世觀都會好唔同。更甚，我應該完全唔會係依家嘅我，唔會有patreon，唔會有自己嘅生意仔，可能係做緊個超基層嘅見習律師甚至只係法律助理（完全唔係我想做嘅嘢），無可能有能力support 到我捐助流浪動物同養貓...

呢個ig 戶口 emiliawyk，除咗記載住我嘅青春起跌，仲係我嘅身分。我係一個比較內向嘅人，姐係未必講好多嘢，但成個腦都會有好多idea爆出黎，要搵地方寫低同發洩出黎，否則會好辛苦。我嘅ig就係一個咁嘅平台，比我自high之餘又可以娛樂下大家。

今日係第一日無咗個acc，我發現我開始懷疑人生。Who am I ? 無咗emiliawyk，無咗中大email呢個身分，我仲係邊個？我發現我真係唔知自己係邊個，好荒謬又恐怖，原來一個acc 影響可以咁大，無咗同大家嘅interaction，無咗我以往累積嘅文、圖、生活瑣事，甚至，無咗日日黎騷擾我嘅haters/吱吱，無咗一個有幾萬人聽我9up、post相、寫文、做文宣嘅平台比我放電（我真係好需要有人聽我9up），我發現原來我完全好似唔係我自己咁。仲有，平時我起碼一日花幾個鐘以上，不停喺ig做反送中運動嘅文宣同支援。製圖、寫文、回應、即時資訊、幫followers 嘅朋友搵律師搵$$ etcetc 。依家無咗呢個acc，我突然開始反思，到底我一直以來，對呢場運動嘅貢獻係乜（我有出去，但當然最多都係中線），我一直覺得我最有用嘅身分係做文宣，但突然最有效嘅平台消失咗，就開始諗其實我係咪一直都喺度自欺欺人，定點，諗我嘅貢獻到底足唔足夠。

除咗籌備捲土重來之外，我諗我都要好好思考下自己嘅身分，同埋social media 究竟係何物。我唔會摺埋，我知自己只會遇強越強，但，呢個機會真係既不幸又幸運，可以比我停一停落黎，反思、反省好多嘢。

真心多謝大家一直唔離棄我，又肯聽我9up（好重要，真的，感激）♥️ 無你地真係無我♥️

聽日會post 高啲tier 嘅相♥️

ps 仲有一樣嘢唔開心，就係覺得自己明明無食嘢，都一路暴脹，有啲沮喪🌝 不過呢個相對小事，好似係🙃