海天一色- 逝去的青春啊 (Patreon)

呢幾年，尤其是近年，硬係覺得自己老得好快，個樣無以前咁QQ咁精靈。

有時候如果用下啲app影相，的確可以令到成塊面雪白無暇，一條紋一點斑都無，黑眼圈都消失埋。但呃完自己，諗深啲，又會覺得咁樣好唔自然，出黎個效果，喺我黎講係仲怪。然後坊間有啲醫學美容，聲稱可以延緩衰老嘅...但又貴又剩，都唔知為咗個軀殼值唔值咁搞，所以我都係算啦，盡力說服自己，其實自自然然都無乜問題，唔洗比錢人賺😂😂 最後搞到連facial都唔會去做😂

我諗係人，尤其是受美容業瘋狂轟炸嘅女人，都或多或少會怕老，我都唔例外😅 不過我成日諗呢方面嘅價值觀，諗黎諗去，最後得個諗，乜都唔會做😂

長遠黎講，我覺得始終都係要慢慢接受青春溜走，歲月留痕🤪 依家趁未老曬，好好享受下餘下精靈嘅日子啦🤭