女仔無高潮 好多時係男仔態度出問題？（二之二） (Patreon)

By 朋友A

影片後補

上篇講到，好多人都會覺得一次完整嘅性愛，男仔高潮係必需，而女仔高潮只係bonus😭😭 呢篇主要係畀啲女伴唔太會陰道高潮嘅 男仔睇嘅 ， 如果有心服侍女仔，呢啲係我覺得需要注意嘅嘢😛

1. 你要喺聖人模式嚟之前幫個女仔出咗


我係嗰種一定要自己捽自己先出到嘅人，而我會想男伴喺我捽嘅時候，錫吓我、錫lin，又或啫揸吓波仔。有時啲男仔會自己出咗，先再嚟幫我出，但呢啲情況我多數要好辛苦好用心摩打手咁捽好耐先出到。最大嘅原因係因為出完，進入所謂「聖人模式」， 就算好「盡責」咁錫我/摷我，啲慾火無咗就無咗，都只係啲唔可以全心投入 嘅重覆動作、唔肉緊嘅物理刺激😭啲男仔咁整我，無乜Feel，自己又會有啲唔好意思，其實會難咗高潮😩
（最高質嘅男仔，係就算自己度火過咗，都可以加少少戲，好猴擒咁去服侍個女仔😛就好似女仔含個男仔含得舒服，除咗手口並用嘅物理刺激，重會突登含到好激烈，含到𠽌𠽌聲 ）


2. 陰道無高潮嘅女仔，喺抽插期間，性慾會降低
另一個要幫女仔出咗，自己先出嘅原因係，如果個女仔對抽插無乜感覺，佢最興奮嗰刻，一定係你啱啱同佢除衫肉搏、佢好想要嗰時🤤🤤（Emilia按：同意未得到嘅moment係好正！）之後嘅陰道性交，就算佢Keep 住濕都好 ，但搞嘅過程點都有少少悶，唔會話好爽，到你射 完，除下套、拎吓紙巾，甚至有啲男仔怕整污糟屋企床單會衝去沖身，佢嗰時啲慾火都降曬，再要捽返high，到最後捽到高潮，好難😩有男仔同我拗過，我有時會幫你出㗎，你自己出唔到咋嘛。但我想講😐 每次都將大家最興 奮嘅時候，留咗畀你抽插射精，到大家降曬火先嚟幫我， 我緊係難出啦😪最好嘅做法，係有時幫你出先，有時幫我出先，咁就最開心🤗


3. 服侍個女仔嘅最終目標，係令佢高潮，而唔係顯示你有幾叻


以我自己為例，我要高潮，一定要自己捽粒豆豆，要有足夠空位畀我郁。但好多時啲男仔會逞強，話，我識捽㗎，我幫你吖，就成日同我搶粒豆，但又捽唔掂，用錯力😑🤣 我同佢講咗我要自捽，但好多男仔都會講出口話「其他男人差先整唔到你高潮啫，我得嘅。」然後隻手硬係會成日攝入嚟，係咁亂摸，叫佢唔好都唔停😑 搞完一輪，最後都係我自 己捽 ， 但欲火已經熄得七七八八，好難高潮。如果對方係你嘅長期性伴，又成日會搞，的確值得學習點幫佢捽，搵佢嘅敏感帶。但如果只係好少見嘅SP、甚至一夜情對象，你喺人地好想高潮嗰陣係咁咁將你啲doesn’t work on her嘅技巧係咁用喺佢身上， 遏而不捨發堀佢敏感位，最後只會令到個女仔高潮唔到😫😫 每個男人都好偏執咁想証明自己同其他男人唔同，好多人都比呢種「我同其他男人唔同」嘅競爭心態沖昏頭腦，結果佢地最後都不約而同咁無聽清楚我真正嘅需要（aka唔好掂我粒豆豆啊），最後大家搞完一輪，我都係好難高潮😑 （Emilia按：睇得出朋友A 好多怨念😂😂）