心事台 - 論色情 (Patreon)

首先，再次多謝咁多位支持🙌🏻 我因為呢將自慰相，無啦啦又多咗人搞（正面啲睇就係宣傳🤣我一向都好正面嘅，好似係😂）。其實我覺得好過意唔去，好似攞咗啲光環，但相比起最前線，其實我嘅付出真係皮毛。當然唔可以喺度話俾大家聽我做過乜嘢，如果唔係真係以後唔使再做😅

我真係好希望有一日，為香港付出過嘅、流過血嘅朋友，可以全部聚首一堂，接受大家嘅掌聲😭👏🏻

又講，好多人話我嗰張相好大膽，但其實我係真心覺得冇乜嘢。雖然我露臉又露波，但我比較覺得係一個藝術性嘅控訴，或者可以話係行為藝術，我自己係絕對唔會從鹹濕角度睇，當然我唔會管其他人有乜嘢睇法，因為作者已死。張相入面，我個樣係非常之嚴肅，我自己覺得係好堅定，我覺得如果係要鹹濕嘅話，個樣起碼要姣啲，眼神誘惑啲，而肢體語言都會好唔同。

我係刻意將個震動棒，pose到好似一支槍咁，其實係希望比觀眾自己去詮釋含義。有人會覺得我係用性自主去裝備自己，有人會覺得性可殺人，有人會覺得係一個用性反擊嘅姿態...點都好，我好開心呢個行為藝術帶到俾唔同人有唔同嘅感覺。我都係果句，我唔認為自己有資格領取任何光環，相比起前線，我雖然網上同埋現實中都有做嘢，但付出嘅相對之下都實在係太皮毛。

點都好，我哋各有各做，大家努力努力再努力！