Email仲有心情野外露出 - 怪石陣 (Patreon)

都唔知點解啲人咁鍾意搵位入我。我連日來ig 300多個post，都是政治的，我因此損失咗一啲follower；而因整個月都無宣傳patreon，掛住update政治嘢，訂閱的增長都停滯了，有實際金錢損失，流浪貓狗基金萎縮了🤷🏻‍♀️ 300多個post 後，我只是稍微休息，post 一個早前拍落嘅森林照片，就比人周我點解仲有心情up自己嘅相🤷🏻‍♀️ 公平咩？ 佢哋連日來update嘅嘢都未必夠我多、reach 又不及我廣，寫嘢未必夠我多人睇，我自問真係有出力為呢次政治事件發聲，做咗咁多嘢之後只係出一張自己嘅相，就要比人抽秤，公平咩？個ig 係我嘅平台，我獻身99.9%了還不滿意，要我100% 貢獻，點解咁苛刻？大把人平時唔理政治唔發聲，今次講一兩句、隱晦地撐下，然後繼續po生活照，個個就當佢哋神咁拜，係唔係我做得太足？？反而比人當老奉？

我關心政治，唔係因為要人讚，係因為真心相信呢啲抗爭係為社會為公義。但成日都比所謂「同路人」攻擊，我都會灰心。類似嘅事唔係第一次。好耐之前我企過前線，又試過上庭支援被捕人士，結果？班人之後喺d群組度話喺court見到隻人型豬，喺邊度邊度見到件豬扒...俾人攻擊外表都係其次，我嗰時最唔開心係，點解我一副心機去support 大家，居然可以換來呢啲毫無意義嘅惡言惡語🤷🏻‍♀️ 我已經走出來支援我哋大家，點解大家仲可以攞我外表來鬧🤷🏻‍♀️

當然呢啲惡意攻擊係屬於少數，所以我都唔係真係話咁睇唔開。但其實由嗰時起，我心入面已經有一個想法，就係覺得或者呢個香港啲人唔值得我為佢哋勞心。但犯賤地我又係會忍唔住關心🤭

是但啦唉。其實無乜嘢嘅，只係覺得自己被really unfairly treated，又唔想喺公海過於展露呢一面嘅情緒，所以就喺度同大家呻下，呻完繼續努力上路。香港人加油💪🏻