進擊之星星✨ (Patreon)

一開始就有訂閱嘅寶寶們（😘😘😘），應該會記得我大概一年前都影過類似嘅相。我對比返，覺得依家身形無以前好睇😥😭主要係因為我好似個人大隻左但波無跟住個比例大，所以曲線比例無咁好睇。有睇我新youtube 片嘅應該都知道，其實我之前住嘅環境麻麻地，郁都無地方郁......最重點係無得煮食，我焗住餐餐都要出街食，而外面健康嘅選擇又唔多，多數都多鹽多油多糖，就算我食量唔大，都可能唔係好健康。再加上好多時，我因為私人事而壓力大，情緒未必係最平靜......訓又訓唔好，精神又麻麻...各種原因啦下，導致我越來越大隻🙃😂😌 而家我啱啱搬咗地方，呢度有一個legit嘅廚房，加上私人事方面又解決左好多，好似可以有新生活咁☺️☺️ 依家最重大嘅改變係，我應該會盡量自己煮嘢食，希望可以健康啲fit D，唔好成日口腫面腫（太鹹）☺️☺️☺️ 如果我自己煮，唔使煮埋比屋企人嘅話，我應該會簡簡單單就一餐。一個烏冬幾條菜一隻雞蛋已經可以令我好滿足、好飽同時又夠營養。食完之後加返個蘋果同一杯茶就Perfect☺️ 我已經試行左呢個計劃幾日，除咗有飯局一定要出席，我都係自己煮。希望可以因為飲食習慣改變而fit番啲啦（我都郁多左）☺️☺️