無著褲多肉慎入🙈😂心事台🙊 (Patreon)

跟開我嘅都知，我一路都對自己身形唔多唔少有啲struggle，亦係因爲呢樣嘢引起我嘅熱誠去做啲body positivity 嘅宣揚。 尤其是當我開始喺網絡上有個persona，對於我身體嘅討論（攻擊）都比以前多左（以前讀傳統女校，我地比較著重成績同成就，外表只係bonus，係上左網先知道原來咁多人咁care 外表lol 同埋開始知道好多男人鍾意波，以前認真無在意過呢啲嘢😂）

對身體嘅struggle 係起起伏伏嘅，去旅行時覺得特別自在，可能因為外地審美觀唔同/對當地人無深入認識/外地人真係無香港人咁mean/無外地人好似香港網民咁搞9過我，所以喺外地嘅時候我係好自在。但一返到香港，我好容易就會覺得無時無刻都俾人judge 緊，出親街都好唔舒服，好似好多人嘅眼神都好唔友善咁...每次見到啲連登仔咁嘅樣嘅人（sor 其實係有樣睇😂) 我都覺得有啲怕怕地。唔係怕佢哋judge/會對我做啲乜，而係有啲以前受欺凌嘅心理陰影湧上黎，覺得成條街都好多潛在嘅欺凌者，個個都對我有惡意。

因為呢啲咁嘅陰影，我前幾日睇到啲人切胃減肥，我都心郁郁想去試🤦🏻‍♀️ （但大家都知道我本身食量已經算細） 我知減肥/傷害自己唔係出路，唔會令自己開心好多都唔會阻到無謂人欺凌我，但都係會有咁嘅衝動。不過其實我自己黎講，我覺得自己好似真係肥啲好睇啲 lol 某程度上，因為你地嘅支持，因為我自我嘅薰陶，某部分嘅我其實係覺得我適合肥肥地，瘦咗反而唔好睇。所以心中成日有幾把聲喺度角力，好煩，精神分裂😂🤦🏻‍♀️

Anyways 多謝你地睇曬我自己啲腦內交戰。我覺得係呢排見家人朋友太密太chur，我無私人時間靜低思考，搞到我個腦入面太多無無謂謂嘅思緒（內向型嘅人係咁），我要寫返好多野先發洩/梳理到....

呢幾張相係之前喺試身室影嘅，無p無剩，右上角特別矮肥🤣 但我反而覺得咁樣嘅shape 最好睇🙈😂 所以我去完伊朗返黎又肥咗，都唔知開心定唔開心好 LOL🤣🙌🏻