賣原味內衣褲之剖白 (Patreon)

By 店長Ling

最近認識咗一啲賣原味內衣嘅客人

話說早排有個女仔每隔兩三日就會上嚟買嘢

買親都係差唔多款式嘅絲襪呀情趣套裝等等

甚至有時會買重複嘅款式

咁我就出於八卦問佢點解會成日買同一個款正常應該唔會好易爛

佢可能見我係女仔就同我講 唔係著爛啦我係賣畀人㗎咋

佢就話佢自己係賣原味內衣做part time佢平時係返office

咁啱見到樓下易拉架我店係佢公司附近就腳就上嚟睇下

咁我就問佢 點解會有興趣買出

咁佢就答我 冇呀為興趣

覺得有人買佢氣味嘅嘢令到自己畀人覺得好吸引

竟然會有人著迷佢貼身嘅嘢 佢覺得好有成就感

而且呢種成就感 平時返工得唔到

佢話佢個樣普普通通 公司啲同事都係偏幫啲靚女同事

所以佢就返得唔係咁開心 想搵啲嘢滿足下自己減下壓 又唔使俾人侵犯

就當係part time 佢話佢好少會出去面交驚畀記者放蛇

所以通常都係密實袋郵寄就算

於是我就同佢講既然你咁近又唔想面交

不如你同啲你嘅客講可以喺我舖頭自取仲好啦

反正你成日都過嚟同我買嘢 !

估唔到佢又會應承

我哋私底下交換咗電話方便聯絡

然後佢近排都有啲人上嚟自取

通常佢都包好曬一份份啲人上嚟自取嘅時候淨係要一個編號就ok

咁我就留意下啲客人嘅樣喇 普遍過嚟自取嘅人

個樣都正正常常你睇唔出

我唔係話歧視佢哋 不過有啲估唔到啫 😂