我的秘密：我嘅「唔正常」係有得解釋的.. (Patreon)

我大概7歲嘅時候，已經知道自己同一般人唔係好同，但我從來都覺得呢樣嘢唔太影響我生活，甚至認為自己同其他我呢一類人不一樣，比較正常，但人越大，先發現原來我真係同常人咁大分別，我先不得不承認原來我真係有呢類人嘅特質...（就係痴痴地線）。我媽咪一直叫我唔好講呢樣嘢出去，所以我就算連close frd 都好似只係輕輕提及過...anyways 我的確有一個秘密，標誌住我嘅身分，一路無講過，依家同大家分享啦。

（鋪排左咁耐，好似好大件事咁😂 其實唔係😹 唔好太大期望😂😂）

話說其實我幼稚園同小學老師（嘉諾撒聖心）都覺得我比其他小朋友聰明成熟，於是搞左一輪，轉介我呀媽同我去政府某部門做IQ test。當年我小學2/3年班，得出結果係智商有140以上。

攞完報告翻屋企嘅時候，我呀媽喊。佢本身只係祈求我健康成長，突然發現我係資優，佢好怕會「糟蹋」左我。但過左一陣，佢就開始帶我去join 專for 資優兒童嘅課程同協會（所以有人好奇我英文個底點解屬於比較好，其實我小學已經讀大學嘅英文課程，呢啲課程係要有IQ test證實係資優先可以讀，一般人都未必知道有呢啲course）。

講返資優嘅特質，當年我喺資優兒童家長會識到好多朋友同長輩。喺成班細路之中，我自問係最正常最無問題。佢地好多人都有情緒問題，或者好細個就異常憤世，或者聰明到不屑同人溝通。我自問性格「正常」，只係理解能力比一般小朋友高、轉數快、唔太洗讀書都考得好，咁樣，當然，我都無佢地「聰明」。

當年喺資優xxx協會識嘅資優朋友仔，有幾個高級犯罪坐監..有個斬自己老母...有個斬死ex嘅現任....有啲痴q左線.....當然都有啲叫做正正常常，不過，都係唔太正常地正常（eg20歲讀博😂）而我...就唔知點解變到依家咁啦😂

我一路都覺得自己好正常，唔係一般資優咁忽忽地，甚至懷疑我係咪攞錯report（講笑）😂 但原來，其實我end up都係同「正常人」走嘅路咁唔同🙃 都係痴痴地線咁🙃只係做自己、堅持自己嘅信念，已經可以搞到千夫所指咁😂😂

所以好多人成日會問我呀媽點睇我做緊嘅嘢，其實佢喺我好細個已經expect左我會同一般人唔同，我唔斬人佢都安樂㗎啦😹 咁當然都加上佢好開明plus 我地感情都好好，我孝順女黎的認真，所以佢係完全接受我😂

如果大家想知道資優人士可以幾痴線，可以自己google下，或者你google完之後會覺得其實我都算正常，完😹

報章報道😹：