越肥越愛？（出浴圖） (Patreon)

話說，呢幾年真係唔知點解，越黎越肥🙂 但隨住脂肪嘅增加，好似fans 都一路增加，好奇怪，顛覆左我嘅認知 :o) 唔通係因為升cup? 定係我影相/化妝技巧進步？定係你地根本鍾意肥妹又唔認？😝😜

我最近照鏡都覺得開始接受唔到自己越來越脹🤨 但慘在我因為最近生活都開心仔，無乜減肥動力（以前勁減係因為覺得自己肥好核突，depress LOL）😜難道要開始墮入唔肯減肥但又嫌肥輪迴怨婦mode？😹😹😹🤙🏻🤙🏻🤙🏻

然後開始覺得基因真係好六合彩feel。點解旅伴（miss pun）食多我咁多嘢，但可以瘦我咁多，人生從來唔需要擔心肥嘅問題😹😭 唔知咁嘅人生係點㗎呢？但從另一個角度睇，我嘅身體咁健康、無任何敏感/長期疾病、可以帶我攀山涉水、禦寒耐熱、一年都唔病兩三次、都有人覺得好睇...etcetc 其實都已經好足夠😜🤙🏻 （做運動嗰啲，我知呀，但大把瘦人比我做更少運動、食更多嘢，都係瘦過我好多😹 點解我天生就係要用更多生命去節食/運動，就係為左瘦，諗諗下就覺得，咁好唔抵姐！）